സാമുദായിക ധ്രുവീകരണം ലക്ഷ്യമിട്ട് വെള്ളാപ്പള്ളി നടേശന് നടത്തുന്ന പ്രവര്ത്തനങ്ങളെ എതിര്ക്കാന് യു.ഡി.എഫ് തീരുമാനം
തിരുവനന്തപുരം : സാമുദായിക ധ്രുവീകരണം ലക്ഷ്യമിട്ട് വെള്ളാപ്പള്ളി നടേശന് നടത്തുന്ന പ്രവര്ത്തനങ്ങളെ ശക്തിയുക്തം എതിര്ക്കാന് യു.ഡി.എഫ് നേതൃയോഗം തീരുമാനിച്ചു. ബി.ജെ.പി-എസ്.എന്.ഡി.പി. കൂട്ടുകെട്ട് ആര്.എസ്. എസിന്റെ വര്ഗീയ അജണ്ട നടപ്പാക്കാനാണ്. ഇത് ഉദ്ദേശിച്ചതിനെക്കാളും അപകടകരമാണ്. ഇതിനെതിരെ കൈയുംകെട്ടി നോക്കിനില്ക്കാനാകില്ലെന്ന് യോഗതീരുമാനങ്ങള് വിശദീകരിച്ച മുന്നണി കണ്വീനര് പി.പി.തങ്കച്ചന് പറഞ്ഞു.
കേരളത്തില് ഭൂരിപക്ഷംപേരും മതേതര മനസ്സുള്ളവരാണ്. ജനങ്ങളെ വര്ഗീയപരമായി പല തട്ടിലാക്കാനും പരസ്പരം പോരടിപ്പിക്കാനും ഉദ്ദേശിച്ചുള്ളതാണ് വെള്ളാപ്പള്ളി നടേശന് നടത്തുന്ന യാത്ര. ഇതിനെതിരെ യു.ഡി.എഫിന്റെ നേതൃത്വത്തില് മതേതര ശക്തികള് ഒരുമിക്കും. മതവിദ്വേഷം പ്രചരിപ്പിക്കുന്ന ഈ യാത്രയില്നിന്ന് പിന്തിരിയാന് ശ്രീനാരായണഗുരുവിന്റെ മതേതര ആദര്ശങ്ങള് ഉയര്ത്തിപ്പിടിക്കുന്ന മതേതര വിശ്വാസികള് വെള്ളാപ്പള്ളിയോട് ആവശ്യപ്പെടണമെന്നും അദ്ദേഹം പറഞ്ഞു.