ഹണി റോസ് മോഹൻലാലിന്റെ നായികയാവുന്നു
5 May 2015
എം. പത്മകുമാർ സംവിധാനം ചെയ്യുന്ന സിനിമയിൽ ഹണി റോസ് മോഹൻലാലിന്റെ നായികയാവുന്നു. ചിത്രത്തിൽ ഒരു ദുബായ് ഇന്റർനാഷണൽ സ്കൂളിലെ അദ്ധ്യാപികയും മോഹൻലാൽ അവതരിപ്പിക്കുന്ന ജോൺ ഡേവിഡ് എന്ന കഥാപാത്രത്തിന്റെ ഭാര്യയുടെ വേഷത്തിലാണ് ഹണി റോസ് എത്തുന്നത്. ഇതാദ്യമായാണ് ഹണി മോഹൻലാലിനൊപ്പം അഭിനയിക്കുന്നത്. എസ്. സുരേഷ്‌ ബാബുവാണ് ഈ സിനിമയ്ക്ക് തിരക്കഥ ഒരുക്കുന്നത്.
ബോളിവുഡ് നടൻ അതുൽ കുൽക്കർണി ചിത്രത്തിൽ ഗൾഫിൽ നിന്നുള്ള ബിസിനസുകാരന്റെ വേഷം ചെയ്യും.
എറണാകുളം, മൈസൂരു, മൂന്നാർ, ദുബായ് എന്നിവിടങ്ങളിലാണ് ഷൂട്ടിംഗ്. ഈ മാസം 18ന് കൊച്ചിയിൽ ഷൂട്ടിംഗ് ആരംഭിക്കും.
