നരേന്ദ്രമോദി മന്ത്രിസഭയിലെ ഏക രാജസ്ഥാന്‍ പ്രതിനിധിക്ക് മാനഭംഗക്കേസില്‍ സമന്‍സ്
13 June 2014
നരേന്ദ്ര മോദി മന്ത്രിസഭയില്‍ ഇടംപിടിച്ച രാജസ്ഥാനില്‍ നിന്നുള്ള ഏക എംപിയായ നിഹാല്‍ ചന്ദിന് മാനഭംഗക്കേസില്‍ കോടതിയുടെ സമന്‍സ്. വൈശാലി നഗര്‍ സ്വദേശിനിയായ യുവതി നല്കിയ പുനപരിശോധനാ ഹര്‍ജി പരിഗണിച്ചാണ് കോടതി ഉത്തരവ്. ഓഗസ്റ്റ് 20-നു മുമ്പ് ഹാജരാകണമെന്നാണ് നിഹാലിനും മറ്റ് 16 പേര്‍ക്കും അഡീഷണല്‍ ജില്ലാ സെഷന്‍സ് കോടതി നിര്‍ദേശം നല്കിയത്.
പരാതിക്കാരിയുടെ ഭര്‍ത്താവ് ഓംപ്രകാശ് ഗോദാരയോടും ഹാജരാകാന്‍ കോടതി നിര്‍ദേശം നല്കിയിട്ടുണ്ട്. 2011-ല്‍ നല്കിയ കേസിന്റെ അന്വേഷണം 2012-ല്‍ ലോക്കല്‍ പോലീസ് അവസാനിപ്പിച്ചതായാണ് ആരോപണം. ഇതേതുടര്‍ന്നാണ് യുവതി കോടതിയില്‍ പുനപരിശോധനാ ഹര്‍ജി നല്കിയത്.
അതേസമയം മാനഭംഗക്കേസില്‍ ആരോപണവിധേയനായ കേന്ദ്രമന്ത്രി രാജിവയ്ക്കണമെന്ന് കോണ്‍ഗ്രസ് ആവശ്യപ്പെട്ടു.
