സംസ്ഥാനത്തെ അനധികൃത ഖനനങ്ങള്‍ തടയാന്‍ നടപടിയെടുക്കണമെന്ന് ആവശ്യപ്പെട്ട് വി.എം. സുധീരന്‍ സര്‍ക്കാരിന് കത്തയച്ചു.

single-img
27 February 2014

vbk-sudheeran_809394fസംസ്ഥാനത്തെ അനധികൃത ഖനനങ്ങള്‍ തടയാന്‍ നടപടിയെടുക്കണമെന്ന് ആവശ്യപ്പെട്ട് കെ.പി.സി.സി അധ്യക്ഷന്‍ വി.എം. സുധീരന്‍ സംസ്ഥാന സര്‍ക്കാരിന് കത്തയച്ചു. വനം-പരിസ്ഥിതി വകുപ്പിന്റെ  ചുമതലയുള്ള മന്ത്രി തിരുവഞ്ചൂര്‍ രാധാകൃഷ്ണനാണ് കത്ത് നല്‍കിയത്.

Donate to evartha to support Independent journalism

സംസ്ഥാന സര്‍ക്കാര്‍ നല്‍കിയ ഖനനാനുമതി പുനഃപരിശോധിക്കണമെന്ന് സുധീരന്‍ ആവശ്യപ്പെടുന്നു. ക്വാറികളുൾപ്പെടെ ഖനനത്തിന് തോന്നിയതുപോലെ അനുമതി നല്‍കുന്നതായി ആരോപണമുയർന്ന പശ്ചാത്തലത്തിൽ തിരുവഞ്ചൂരിനെഴുതിയ കത്തിലാണ് സുധീരൻ ഈ ആവശ്യമുന്നയിച്ചിരിക്കുന്നത്.

പരിസ്ഥിതി കമ്മിറ്റിക്ക് അദ്ധ്യക്ഷനില്ലാത്ത കാലത്ത് നിരവധി സ്ഥാപനങ്ങൾക്ക് ഖനനാനുമതി നൽകിയിരുന്നു. ഇത്തരം നടപടികളെക്കുറിച്ച് അന്വേഷിക്കാൻ പ്രത്യേക സംഘത്തെ നിയോഗിക്കണമെന്നും സുധീരൻ ആവശ്യപ്പെട്ടിട്ടുണ്ട്.