ഡിസംബര്‍ 16 കൂട്ടമാനഭംഗം: സംഭവസമയം ബസിലില്ലായിരുന്നുവെന്ന് രണ്ടു പ്രതികള്‍
15 January 2014
രാജ്യത്തെ നടുക്കിയ ഡിസംബര്‍ 16 ഡല്‍ഹി കൂട്ടമാനഭംഗക്കേസിലെ രണ്ടു പ്രതികള്‍ നിരപരാധിത്വം അവകാശപ്പെട്ട് ഡല്‍ഹി ഹൈക്കോടതിയില്‍. കേസില്‍ വിചാരണക്കോടതി തങ്ങളെ തെറ്റായി പ്രതിചേര്‍ക്കുകയാണെന്നാണ് പ്രതികളായ അക്ഷയ് താക്കൂറും വിനയ് ശര്‍മയും കോടതിയില്‍ അറിയിച്ചത്. ഡല്‍ഹിയില്‍ 22-കാരിയെ ഓടുന്ന ബസില്‍ വച്ച് ആറുപേര്‍ ചേര്‍ന്ന് കൂട്ടമാനഭംഗത്തിനിരയാക്കിയതായാണ് കേസ്. എന്നാല്‍, സംഭവസമയം തങ്ങള്‍ ബസില്‍ ഇല്ലായിരുന്നുവെന്നാണ് രണ്ടു പ്രതികളും ഹൈക്കോടതിയില്‍ അറിയിച്ചത്. കേസിലെ പ്രായപൂര്‍ത്തിയാകാത്ത പ്രതിയൊഴികെ മറ്റ് അഞ്ചുപേര്‍ക്കും വധശിക്ഷ വിധിച്ചിരുന്നു. മുഖ്യപ്രതിയായ രാംസിംഗ് ജയിലില്‍ ജീവനൊടുക്കിയിരുന്നു.
