ആക്ട് ഓഫ് കില്ലിങ്ങ് പ്രേക്ഷക ശ്രദ്ധ നേടിയ ലോക സിനിമ
10 December 2013
കമ്മ്യൂണിസ്റ്റുകാർ ശ്വാസം പിടിച്ചു കണ്ട സിനിമ എന്നു പറയുന്നതാകും ഏറെ യോജിക്കുക. അൻവർ, സായ എന്നീ സുഹൃത്തുക്കൾ അടങ്ങുന്ന സംഘം പതിനായിരക്കണക്കിന് കമ്മ്യൂണിസ്റ്റൂകാരെ കൊന്നു തള്ളുന്ന കഥകളാണ് സിനിമയിലുടനീളം.ഷെഡ്യുളിലുള്ളതി നെക്കാൾ തവണ പ്രദർശിപ്പിച്ച സിനിമ കൂടിയാണിത് . ഓരോ നിമിഷവും ഇമ വെട്ടാതെ കാണാനുള്ള എല്ലാ രസക്കൂട്ടുകളും ഈ സിനിമയിലുണ്ട്. ക്രൂരതക്കിടയിലെ തമാശയെന്നോണം സഹനടന്റെ തമാശകളും പ്രേക്ഷകരെ രസിപ്പിക്കുന്നു.
യൗവനകാലത്ത് അൻവറും സുഹൃത്തുക്കളും മൂവി തീയറ്റർ ഗാങ്ങ് സ്റ്റൊഴ്സ് എന്നാണ് അറിയപ്പെട്ടിരുന്നത്. ബ്ലാക്ക് ടിക്കറ്റുകളുടെ കച്ചവടത്തിന്റെ കുത്തക അവർക്കായിരുന്നു .ചലച്ചിത്ര പ്രദർശനങ്ങളെ തങ്ങളുടെ കുറ്റകൃത്യങ്ങളുടെ അടിസ്ഥാനമായി സ്വീകരിച്ച് കൂടുതൽ കുറ്റകൃത്യങ്ങളിലേക്ക് അവർ നീങ്ങുന്നു.1965 ൽ
ഇൻഡോനേഷ്യൻ സൈന്യം മരണ സേന രൂപീകരിച്ചപ്പോൾ അവരെ അതിൽ ഉൾപ്പെടുത്തുന്നു. അത്രക്കും അക്രമം നടത്താൻ കഴിവുള്ളവരാണ് അൻവറും സംഘവും