മുല്ലപ്പെരിയാര്‍ ഡാം സുരക്ഷിതം: കേന്ദ്രമന്ത്രി ഹരീഷ് റാവത്ത്
26 November 2013
മുല്ലപ്പെരിയാര്‍ അണക്കെട്ട് സുരക്ഷിതമെന്ന് കേന്ദ്ര ജല വിഭവ വകുപ്പ് മന്ത്രി ഹരീഷ് റാവത്ത്. ഒരുമലയാളം വാര്‍ത്താചാനലിനോടാണ് മന്ത്രി ഇത്തരത്തില്‍ അഭിപ്രായപ്പെട്ടത്. മുല്ലപ്പെരിയാറില്‍ നിലവിലുള്ള അണക്കെട്ട് പൊളിക്കേണ്ട സാഹചര്യമില്ലെന്നും അദ്ദേഹം പറഞ്ഞു. ഏതെങ്കിലും സംസ്ഥാനത്തെ പിന്താങ്ങുന്ന റപ്പോര്‍ട്ട് ഈ വിഷയത്തില്‍ സ്വീകരിക്കില്ല. ഡാം സുരക്ഷിതമെന്ന വിദഗ്ധസമിതി തീരുമാനത്തെ കേന്ദ്രം പിന്താങ്ങുന്നു. വിദഗ്ധസമിതി റിപ്പോര്‍ട്ടില്‍ കേരളത്തിന്റെയും തമിഴ് നാടിന്റെയും ആശങ്കകള്‍ പരിഗണിച്ചിട്ടുണ്‌ടെന്നും അദ്ദേഹം പറഞ്ഞു.
