അതിര്‍ത്തിയില്‍ വീണ്ടും വെടിനിര്‍ത്തല്‍ ലംഘനം
23 September 2013
അതിര്‍ത്തിയില്‍ പാക്കിസ്ഥാന്‍ വീണ്ടും വെടിനിര്‍ത്തല്‍ കരാര്‍ ലംഘിച്ചു. നിയന്ത്രണരേഖയില്‍ രജൗറി ജില്ലയിലെ മുന്നേറ്റ മേഖലയില്‍ ഇന്ത്യന്‍ പോസ്റ്റുകള്‍ക്കു നേരേ ശനിയാഴ്ച രാത്രി പാക് സൈന്യം വെടിവയ്പു നടത്തി. സെപ്റ്റംബറില്‍ പാക്കിസ്ഥാന്‍ നടത്തുന്ന 19-ാമത്തെയും ഈവര്‍ഷത്തെ 97-ാമത്തെയും വെടിനിര്‍ത്തല്‍ കരാര്‍ ലംഘനമാണിത്. ചെറിയ തോക്കുകളും ഓട്ടോമാറ്റിക് ആയുധങ്ങളുമുപയോഗിച്ച് രാത്രി 9.55 ഓടെ രജൗറി ജില്ലയിലെ ബമീര്‍പുര്‍- ഭിംബേര്‍ഗാലി സബ്‌സെക്ടറിലെ ഇന്ത്യന്‍ പോസ്റ്റുകള്‍ക്കു നേരെ പാക് സൈന്യം വെടിവയ്പ് നടത്തിയെന്ന പ്രതിരോധ വക്താവ് എസ്.എന്‍. ആചാര്യ പറഞ്ഞു.
