ബാന്ദ്രയെ ഏറ്റെടുത്ത പ്രേക്ഷകർക്ക് നന്ദി പറഞ്ഞ് ദിലീപും അരുൺ ഗോപിയും
രാമലീല എന്ന സൂപ്പർഹിറ്റായ സിനിമയ്ക്കു ശേഷം നടൻ ദിലീപും സംവിധായകൻ അരുൺ ഗോപിയും ഒരുമിച്ചചിത്രം ‘ബാന്ദ്ര’ തിയറ്ററുകളിൽ എത്തി. വളരെ മികച്ച പേക്ഷക് പ്രതികരണമാണ് ചിത്രത്തിന് തിയറ്ററുകളിൽ നിന്ന് ലഭിച്ചു കൊണ്ടിരിക്കുന്നത്. സിനിമ ഏറ്റെടുത്ത പ്രേക്ഷകർക്ക് നടൻ ദിലീപും സംവിധായകൻ അരുൺ ഗോപിയും നന്ദി അറിയിച്ചു.
സോഷ്യൽ മീഡിയയായ ഫേസ്ബുക്ക് ലൈവിൽ എത്തിയാണ് സിനിമ ഏറ്റെടുത്ത പ്രേക്ഷകരോട് ഇരുവരും നന്ദി അറിയിച്ചത്. ഈ സിനിമയിൽ ഒരു പ്രധാന കഥാപാത്രത്തെ അവതരിപ്പിച്ച കലാഭവൻ ഷാജോണും ലൈവിൽ ഇവർക്കൊപ്പം ഉണ്ടായിരുന്നു. തങ്ങൾ മൂന്നുപേരും ഒരുമിച്ച് വർക്ക് ചെയ്ത ബാന്ദ്ര തിയറ്ററുകളിൽ എത്തിയിരിക്കുകയാണെന്നും ഒരുപാട് പേർ ചിത്രം കണ്ട് നല്ല അഭിപ്രായങ്ങൾ പറഞ്ഞെന്നും ദിലീപ് വ്യക്തമാക്കി.
“രാമലീലയ്ക്ക് ശേഷം ഞങ്ങൾ വീണ്ടുമൊന്നിച്ച ചിത്രം കൂടിയാണ് ഇത്. ബാന്ദ്രയുടെ വിശേഷങ്ങൾ പങ്കുവെയ്ക്കാനാണ് ഇവിടെയെത്തിയത്. പല തിയറ്ററുകളിലും ഷോയുടെ എണ്ണം കൂടി കൊണ്ടിരിക്കുകയാണ്. തിയറ്ററുകൾ ഹൗസ്പുൾ ആകുകയാണെന്നും ആ സന്തോഷം പ്രേക്ഷകരുമായി പങ്കുവെയ്ക്കണമെന്ന് തോന്നിയെന്നും അതിനാലാണ് ലൈവ് വന്നതെന്നും ദിലീപ് പറഞ്ഞു.
