വിജയ് സേതുപതി, നിത്യ മേനോൻ ചിത്രം; ’19 വണ് എ’ ഓടിടി റിലീസിന്
21 July 2022
വിജയ് സേതുപതി, നിത്യ മേനോൻ എന്നിവരെ കേന്ദ്ര കഥാപാത്രങ്ങളാക്കി നവാഗതയായ ഇന്ദു വി എസ് രചനയും സംവിധാനവും നിര്വ്വഹിച്ചിരിക്കുന്ന മലയാള സിനിമ 19 (1) ( എ) ഒടിടി റിലീസിന്. ഡിസ്നി പ്ലസ് ഹോട്ട്സ്റ്റാറിലൂടെഎത്തുന്ന ചിത്രത്തിന്റെ റിലീസ് തീയതി ഉടൻ പ്രഖ്യാപിക്കും.
രാജ്യത്തെ ഭരണഘടനയില് അഭിപ്രായ, ആവിഷ്കാര സ്വാതന്ത്ര്യങ്ങള് പൗരന്മാര്ക്ക് ഉറപ്പു നല്കുന്ന ആര്ട്ടിക്കിള് ആണ് ആര്ട്ടിക്കിള് 19. ഒരു രാഷ്ട്രീയ – ഡ്രാമ വിഭാഗത്തില് പെടുന്ന ഈ ചിത്രം നിർമിച്ചിരിക്കുന്നത് ആന്റോ ജോസഫും നീത പിന്റോയുമാണ്. ആന്റോ ജോസഫ് ഫിലിം കമ്പനി, ആന് മെഗാ മീഡിയ എന്നിവയാണ് ബാനറുകള്.
വിജയ് സേതുപതി മലയാളത്തിൽ അഭിനയിക്കുന്ന രണ്ടാമത്തെ ചിത്രമാണിത്. നേരത്തെ ജയറാമിനെ നായകനാക്കി സനില് കളത്തില് സംവിധാനം ചെയ്ത മാര്ക്കോണി മത്തായിയിൽ വിജയ് അഭിനയിച്ചിരുന്നു.