സിനിമകളെല്ലാം തുടർഹിറ്റുകൾ; പ്രതിഫലം ഉയർത്തി നയൻതാര
16 July 2022
ഇറങ്ങിയ സിനിമകളെല്ലാം തുടർച്ചയായി ഹിറ്റായി മാറിയ പിന്നാലെ തെന്നിന്ത്യൻ താരം നയൻതാര തന്റെ പ്രതിഫലം വർദ്ധിപ്പിച്ചതായി റിപ്പോർട്ടുകൾ. ബോളിവുഡിൽ സൂപ്പർ താരം ഷാരൂഖ് ഖാനൊപ്പം അഭിനയിച്ച ജവാൻ എന്ന ചിത്രമാണ് നയൻതാരയുടെ ഇനി പുറത്തിറങ്ങാനിരിക്കുന്ന സിനിമ . ഈ ചിത്രത്തിൽ നയൻതാരയ്ക്ക് 7 കോടി രൂപയാണ് പ്രതിഫലമായി ലഭിച്ചതെന്ന് തമിഴ് മാധ്യമങ്ങൾ റിപ്പോർട്ട് ചെയ്യുന്നു.
ജവാന് ശേഷം നായികാപ്രാധാന്യമുള്ള ഒരു ചിത്രത്തിലാണ് തമിഴിൽ നയൻതാര അഭിനയിക്കുക. ഇതിനായി പത്ത് കോടി രൂപയാണ് താരം പ്രതിഫലമായി ചോദിച്ചതെന്നും നൽകാൻ നിർമാതാക്കൾ സമ്മതം മൂളിയെന്നും റിപ്പോർട്ടിൽ പറയുന്നു.
