കോൺഗ്രസിന്റെ സർവനാശം അടുത്തു: വെള്ളാപ്പള്ളി നടേശൻ
മുഖ്യമന്ത്രി പിണറായി വിജയനെതിരെ ഇപ്പോൾ ഉയര്ന്നിരിക്കുന്നത് വെറും ആരോപണങ്ങൾ മാത്രമാണെന്നും ഇത് ജനങ്ങളെ പറ്റിക്കാൻ വേണ്ടി ഉള്ളതാണെന്നും എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശൻ.
പടുകുഴിയിലായ കോൺഗ്രസിന്റെ സർവനാശം അടുത്തു. വി.ഡി.സതീശനേക്കാൾ മികച്ച പ്രതിപക്ഷ നേതാവാണ് രമേശ് ചെന്നിത്തല. വെറും പ്രസംഗം മാത്രമല്ല പ്രതിപക്ഷ പ്രവർത്തനമെന്നും അദ്ദേഹം വിമര്ശിച്ചു.
അതേസമയം പിണറായി സര്ക്കാരിലെ മന്ത്രിമാർക്കെതിരെയും രൂക്ഷ വിമർശനമാണ് വെള്ളാപ്പള്ളി നടേശൻ നടത്തിയത്. രണ്ടാം പിണറായി സര്ക്കാരിലെ മന്ത്രിമാര് പ്രതീക്ഷക്കൊത്ത് ഉയരുന്നില്ലെന്ന് അദ്ദേഹം കുറ്റപ്പെടുത്തി. രണ്ടാം പിണറായി സർക്കാരിലെ മന്ത്രിമാര്ക്കെല്ലാം പരിചയക്കുറവുണ്ട്. എന്നാൽ കഴിഞ്ഞ മന്ത്രിസഭയിൽ പരിചയക്കുറവു ഉണ്ടായിരുന്നു എങ്കിലും മന്ത്രിമാരിൽ കൂടുതലും പ്രഗത്ഭരായിരുന്നുവെന്നും വെള്ളാപ്പള്ളി നടേശൻ കൂട്ടിച്ചേർത്തു