ഷാജ് കിരണിന് ഇ.ഡി.യുടെ നോട്ടീസ്
4 July 2022
മുഖ്യമന്ത്രിയുടെ ദൂതനാണെന്ന് സ്വപ്ന സുരേഷ് ആരോപിച്ച ഷാജ് കിരണിന് ഇ.ഡി നോട്ടീസ്. ചോദ്യം ചെയ്യലിനായി നാളെ കൊച്ചിയിലെ ഇ.ഡി ഓഫിസിൽ ഹാജരാകാനാണ് നിർദേശം.
സ്വർണക്കടത്ത് കേസ് പ്രതി സ്വപ്ന സുരേഷിന്റെ മൊഴിയുടെ അടിസ്ഥാനത്തിലാണ് നോട്ടീസ്. നേരത്തെ കെ.ടി. ജലീല് നല്കിയ ഗൂഢാലോചനാക്കേസില് പ്രത്യേക അന്വേഷണസംഘവും ഷാജ് കിരണിനെ ചോദ്യംചെയ്തിരുന്നു.
രണ്ടുതവണയാണ് പ്രത്യേക അന്വേഷണസംഘം ഇയാളില്നിന്ന് മൊഴിയെടുത്തത്. ഇതിനുപിന്നാലെയാണ് ഇ.ഡി.യും ഷാജ് കിരണിനെ ചോദ്യംചെയ്യാന് വിളിപ്പിച്ചിരിക്കുന്നത്.