യൂത്ത്കോണ്ഗ്രസ് പ്രവര്ത്തകര്ക്ക് വിമാനത്തില് ടിക്കറ്റ് ബുക്ക് ചെയ്തത് കണ്ണൂര് ഡിസിസി; ടിക്കറ്റിന്റെ പണം ഇനിയും നൽകിയിട്ടില്ല: പി പി ദിവ്യ
വിമാനത്തിനുള്ളിൽ മുഖ്യമന്ത്രിക്കെതിരെ പ്രതിഷേധം നടത്തിയ യൂത്ത്കോണ്ഗ്രസ് പ്രവര്ത്തകര്ക്ക് വേണ്ടി വിമാനത്തില് ടിക്കറ്റ് ബുക്ക് ചെയ്യാനായി ട്രാവല് ഏജന്സിയെ വിളിച്ചത് കണ്ണൂര് ഡിസിസിയില് നിന്നാണെന്ന് സിപിഎം നേതാവും കണ്ണൂര് ജില്ലാ പഞ്ചായത്ത് പ്രസിഡന്റുമായ പിപി ദിവ്യ പറയുന്നു.
എന്നാൽ ഈ ടിക്കറ്റിന്റെ പണം ഇതുവരെ ട്രാവല് ഏജന്സിക്ക് നല്കിയിട്ടില്ലെന്നും അവര് പറഞ്ഞു. തന്റെ ഫേസ്ബുക്ക് പോസ്റ്റിലൂടെയായിരുന്നു ദിവ്യയുടെ വെളിപ്പെടുത്തൽ. കേസിൽ പിടിയിലായിരുന്ന ഫര്സീന് മജീദ്, നവീന് കുമാര് എന്നിവര്ക്ക് ജാമ്യവും പ്രതിയായ സുജിത് നാരായണന് മുന്കൂര് ജാമ്യവും അനുവദിച്ച പിന്നാലെയായിരുന്നു ദിവ്യയുടെ ഫേസ്ബുക്ക് പോസ്റ്റ്.
ഫേസ്ബുക്ക് പോസ്റ്റിന്റെ പൂര്ണരൂപം:
വിമാനത്തില് മുഖ്യമന്ത്രിയെ അക്രമിക്കാന് പോയ യൂത്ത് കോണ്ഗ്രസ് ക്രിമിനലുകള്ക്ക് വേണ്ടി ടിക്കറ്റ് ബുക്ക് ചെയ്ത് കൊടുക്കാന് ട്രാവല് ഏജന്സിയിലേക്ക് വിളിച്ചത് കണ്ണൂര് DCCയില് നിന്ന്. ട്രാവല് ഏജന്സിക്ക് ഇനിയും പണം നല്കിയിട്ടില്ല