എല്ലാവര്ക്കും ഇഷ്ടപ്പെടുന്ന ഒരു സിനിമ; ‘ആറാട്ട്’ രണ്ട് കൈയും നീട്ടി സ്വീകരിച്ച എല്ലാ പ്രേക്ഷകര്ക്കും ഹൃദയം നിറഞ്ഞ നന്ദി: മോഹൻലാൽ
ഇന്ന് പ്രദർശനത്തിനായി തിയറ്ററുകളിലെത്തിയ തന്റെ പുതിയ ചിത്രം ആറാട്ട് സ്വീകരിച്ച പ്രേക്ഷകര്ക്ക് നന്ദി പറഞ്ഞ് നടൻ മോഹന്ലാല് . സോഷ്യൽ മീഡിയയിൽ ഫേസ്ബുക്ക് ലൈവിലൂടെ എത്തിയാണ് മോഹന്ലാല് വ്യക്തിപരമായ നന്ദി അറിയിച്ചത്. വ
മോഹന്ലാലിന്റെ വാക്കുകള് ഇങ്ങിനെ: “ആറാട്ട് എന്ന സിനിമയെ രണ്ട് കൈയും നീട്ടി സ്വീകരിച്ച എല്ലാ പ്രേക്ഷകര്ക്കും എന്റെ ഹൃദയം നിറഞ്ഞ നന്ദി. ഒരു അണ് റിയലിസ്റ്റിക് എന്റര്ടെയ്നര് എന്നാണ് ആ സിനിമയെക്കുറിച്ച് നമ്മള് പറഞ്ഞിരിക്കുന്നത്. അതേപോലെ തന്നെയാണ്. വലിയ അവകാശവാദങ്ങളൊന്നുമില്ല.
എല്ലാവര്ക്കും ഇഷ്ടപ്പെടുന്ന രീതിയിൽ ഒരു സിനിമ. ആറാട്ട് എന്ന പേര് തന്നെ ഒരു ഉത്സവാന്തരീക്ഷം വച്ചിട്ടാണ് നമ്മള് ഇട്ടിരിക്കുന്നത്. അത് വളരെയധികം ആളുകളിലേക്ക് എത്തി. രണ്ടുകൈയും നീട്ടി സ്വീകരിച്ചു. ഒരുപാട് സന്തോഷം, ഒരുപാട് നന്ദി. കൊവിഡ് മഹാമാരിയൊക്കെ കഴിഞ്ഞ് തിയറ്ററുകള് വീണ്ടും ഉണര്ന്ന് പ്രവര്ത്തിക്കുന്ന സമയമാണ്.ഈ സമയത്തേക്ക് എന്നെ ഇഷ്ടപ്പെടുന്ന, മലയാള സിനിമയെ ഇഷ്ടപ്പെടുന്ന നിങ്ങള്ക്കുവേണ്ടി ഞങ്ങള് തയ്യാറാക്കി തന്നിരിക്കുകയാണ്.
വളരെയധികം നല്ല റിപ്പോര്ട്ടുകളാണ് കിട്ടുന്നത്. ഒരുപാട് പേര്ക്ക് നന്ദി പറയാനുണ്ട്. എ ആര് റഹ്മാനോട് വളരെയധികം നന്ദി പറയുന്നു. കൊവിഡ് ഏറ്റവും മൂര്ധന്യാവസ്ഥയില് നില്ക്കുന്ന സമയത്താണ് ഞങ്ങള് ഇത് ഷൂട്ട് ചെയ്തത്.പക്ഷേ ഈശ്വരകൃപകൊണ്ട് എല്ലാം ഭംഗിയായി.
ആ സിനിമ തിയറ്ററിലെത്തി. ഒരുപാട് സന്തോഷം. വളരെ നല്ല പ്രതികരണങ്ങളാണ് കിട്ടിക്കൊണ്ടിരിക്കുന്നത്. ബി ഉണ്ണികൃഷ്ണന് ചെയ്ത വളരെ വ്യത്യസ്തമായ ഒരു എന്റര്ടെയ്നര് ആണിത്. ആറാട്ട് എല്ലാവര്ക്കും ഇഷ്ടപ്പെട്ടുവെന്ന് അറിഞ്ഞതില് വളരെയധികം സന്തോഷം. സിനിമയുടെ പിറകില് പ്രവര്ത്തിച്ച എല്ലാവര്ക്കും ഒരിക്കല്ക്കൂടി എന്റെ നന്ദി. കൂടുതല് നല്ല സിനിമകളുമായി വീണ്ടും വരും.”
