നേതാജി സുഭാഷ് ചന്ദ്രബോസിന്റെ ഹോളോഗ്രാം പ്രതിമ രാജ്യത്തിന് സമർപ്പിച്ച് പ്രധാനമന്ത്രി
നേതാജി സുഭാഷ് ചന്ദ്രബോസിന്റെ 125-ാം ജന്മവാർഷിക ദിനത്തോടനുബന്ധിച്ചു അദ്ദേഹത്തിന്റെ ഹോളോഗ്രാം പ്രതിമ രാജ്യത്തിന് സമർപ്പിച്ച് പ്രധാനമന്ത്രി. ഇന്ത്യാ ഗേറ്റിൽ രാജ്യത്തിന് ഇത് ചരിത്ര ദിനമാണെന്ന് പ്രതിമ അനാച്ഛാദനം ചെയ്ത് സംസാരിക്കവെ പ്രധാനമന്ത്രി നരേന്ദ്ര മോദി പറഞ്ഞു.
പ്രശസ്തനായ ശിൽപി അദ്വൈത് ഗഡനായകാണ് 28 അടി നീളവും ആറ് അടി വീതിയുമുള്ള നേതാജിയുടെ പ്രതിമയും പണിതത്. ഒഡീഷ സ്വദേശിയായ അദ്വൈത് ഡൽഹി രാജ് ഘട്ടിലെ ദണ്ഡിയാത്രയുടെ ശിൽപവും പണി കഴിപ്പിച്ചിട്ടുണ്ട്. ഇദ്ദേഹത്തിന്റെ നേതൃത്വത്തിലുള്ള 25-30 ശിൽപികൾ ചേർന്നാണ് പണി പൂർത്തീകരിച്ചത്.
നേതാജി ഒരുശക്തനായതുകൊണ്ട് തന്നെ വളരെ ശക്തമായ കല്ല് തന്നെ നിർമാണത്തിനായി ഉപയോഗിക്കണമെന്ന് ശിൽപി അദ്വൈത് ഗഡനായക് തീരുമാനിച്ചു. അങ്ങിനെയാണ് കറുത്ത ഗ്രാനൈറ്റ് ഉപയോഗിച്ചുള്ള ഈ ശിൽപം പണിതിരിക്കുന്നത്. എട്ട് മാസമെടുത്താണ് പണി പൂർത്തീകരിച്ചത്.
