നീതിക്കും സത്യത്തിനും വേണ്ടിയുള്ള യുദ്ധത്തിലാണ് ഞാൻ; ജനങ്ങളുടെ പിന്തുണ വേണമെന്ന് ദിലീപ്
10 November 2021
താൻ നീതിക്കും സത്യത്തിനും വേണ്ടിയുള്ള യുദ്ധത്തിലാണെന്നും ഈ പോരാട്ടത്തിന് നാട്ടുകാരുടെ പിന്തുണ വേണമെന്നും നടന് ദിലീപ്. ആലുവ നഗരസഭയുടെ ശതാബ്ദി ആഘോഷങ്ങളുടെ ലോഗോ പ്രകാശനം ചെയ്ത് സംസാരിച്ച ദിലീപിന്റെ വാക്കുകൾ: ‘ഞാനിപ്പോള് അനുഭവിക്കുന്ന പ്രശ്നമെന്താണെന്ന് നിങ്ങള്ക്ക് എല്ലാവര്ക്കും അറിയാം. ഞാന് ജയിലില് നിന്നു വന്ന സമയത്ത് ആലുവയിലെ ജനങ്ങളാണ് അവിടെ വന്ന് എനിക്ക് ആവേശം പകര്ന്നത്.
എന്നെ ഒട്ടുംതന്നെ മാറ്റിനിര്ത്താതെ നിങ്ങളോടൊപ്പം ചേര്ത്ത് ഞങ്ങളുണ്ട് കൂടെ എന്ന് പറയുന്ന ഈയൊരു നിമിഷമുണ്ടല്ലോ.. അത് എന്നെ സംബന്ധിച്ച് പറഞ്ഞറിയിക്കാന് പറ്റാത്ത ഒന്നാണ്’
നിലവിൽ കൊച്ചിയിൽ നടി ആക്രമിക്കപ്പെട്ട കേസിലെ പ്രതിയായ ദിലീപ് ജാമ്യത്തിലിറങ്ങിയിരിക്കുകയാണ്. ഗൂഢാലോചനാക്കുറ്റം ചുമത്തി പ്രതിചേര്ക്കപ്പെട്ട ദിലീപ് മൂന്നു മാസത്തോളം ആലുവ സബ് ജയിലിലായിരുന്നു.