ആരാധനാലയങ്ങള് ഏറ്റവും നല്ല സാഹചര്യം വരുമ്പോള് ആദ്യം തന്നെ തുറക്കുമെന്ന് മുഖ്യമന്ത്രി
18 June 2021
സംസ്ഥാനത്ത് ലോക്ഡൗണ് ഇളവുകള് പ്രഖ്യാപിച്ച സാഹചര്യത്തില് ആരാധനാലയങ്ങള് എപ്പോള് തുറക്കും എന്നതില് വ്യക്തത നല്കി മുഖ്യമന്ത്രി പിണറായി വിജയന്. കൊവിഡ് രോഗബാധകുറഞ്ഞ് ഏറ്റവും നല്ല സാഹചര്യം വരുമ്പോള് ആദ്യം തന്നെ ആരാധനാലയങ്ങള് തുറക്കുമെന്ന് അദ്ദേഹം അറിയിച്ചു.
അടുത്ത ബുധനാഴ്ച വരെ ഇപ്പോഴത്തെ നില തുടരും. രോഗവ്യാപന തോത് കുറയുന്ന സാഹചര്യമാണ് ഇപ്പോഴുള്ളതെങ്കിലും ഒരാഴ്ചക്ക് ശേഷമേ നിഗമനത്തില് എത്താല് സാധിക്കൂ. അതിനനുസരിച്ച് പിന്നീട് കുറച്ച് കൂടി ഇളവുകള് നല്കും. ആരാധനാലയങ്ങള് പൂര്ണമായി അടച്ചിടുകയല്ല സര്ക്കാര് ഉദ്ദേശിക്കുന്നതെന്നും മുഖ്യമന്ത്രി വാര്ത്താസമ്മേളനത്തില് വ്യക്തമാക്കി.