എല്ലാം തികഞ്ഞവരല്ല ആരും; തന്റെ തടിയെക്കുറിച്ച് ആരും വ്യാകുലപ്പെടേണ്ടെന്ന് സനൂഷ
9 June 2021
സമീപ ദിവസങ്ങളില് സോഷ്യല് മീഡിയയില് തനിക്ക് നേരെ നടക്കുന്ന ബോഡി ഷെയ്മിംഗിനെതിരെ പ്രതികരിച്ച് സനൂഷ പോസ്റ്റ് ചെയ്ത ഫേസ്ബുക്ക് പോസ്റ്റ് ഇപ്പോള് വ്യാപകമായി ചര്ച്ചയാകുകയാണ്. ഇവിടെ എല്ലാം തികഞ്ഞവരായി ആരും തന്നെ ഇല്ലെന്നും രണ്ട് വിരലുകള് ഒരാള്ക്ക് നേരെ ചൂണ്ടുമ്പോള് മൂന്ന് വിരലുകള് നിങ്ങള്ക്ക് നേരെയാണ് വരുന്നതെന്നും സനൂഷ ചൂണ്ടിക്കാട്ടുന്നു.
സനൂഷയുടെ വാക്കുകള് ഇങ്ങിനെ: ‘എന്റെ തടിയെക്കുറിച്ച് വ്യാകുലപ്പെടുന്നവരോട്, ശരീരത്തിന്റെ ഭാരം കുറഞ്ഞ് സൗന്ദര്യമുള്ളവരായി എല്ലാക്കാലവും നില്ക്കാന് പറ്റില്ല. മറ്റൊരാളുടെ ബോഡി ഷെയിം ചെയ്ത് ‘ചൊറിയാന് താല്പ്പര്യമുള്ളവരാണ് നിങ്ങളെങ്കില് ഒന്നോര്ക്കുക, നിങ്ങള് രണ്ട് വിരലുകള് ഒരാള്ക്ക് നേരെ ചൂണ്ടുമ്പോള് മൂന്നു വിരലുകള് നിങ്ങളിലേക്കാണ് ചൂണ്ടുന്നത്. എല്ലാം തികഞ്ഞവരല്ല ആരും എന്ന കാര്യം ഓര്ക്കുക,’