കടുത്ത കാർ സ്നേഹം എത്തിച്ചത് വീടിന്റെ ടെറസില് മഹീന്ദ്ര സ്കോർപ്പിയോയുടെ രൂപത്തില്
ചിത്രം കണ്ടപ്പോള് അത്ഭുതം തോന്നിയോ, എന്നാല് ഈ വാഹനം ഒറിജിനല് അല്ല. വളരെ ആഴത്തിലുള്ള കാർ സ്നേഹം ഉണ്ടാക്കിയ ഒരു ബാക്കിപത്രമാണ് ഇത്. തന്റെ ആദ്യത്തെ കാറായ മഹീന്ദ്ര സ്കോർപ്പിയോയോടുള്ള അഗാഥമായ പ്രണയം കാരണം ടെറസിലെ വാട്ടർ ടാങ്ക് സ്കോർപ്പിയോയുടെ മാതൃകയിൽ നിർമ്മിച്ചിരിക്കുകയാണ് ബീഹാറിലെ ഭഗൽപൂർ നിവാസിയായ ഇന്റാസർ ആലം എന്ന വ്യക്തി.
ഇദ്ദേഹം ഈ കാറിന്റെ മാതൃക നാല് നിലകളുള്ള തന്റെ വീടിന്റെ ടെറസിൽ നിർമ്മിക്കുകയായിരുന്നു.തനിക്കുണ്ടായിരുന്ന പഴയ കാറിന്റെ അതേ നമ്പർ പ്ലേറ്റാണ് ഈ മോഡൽ കാറിനും ഘടിപ്പിച്ചിട്ടുള്ളത്. ഇന്റാസറിന്റെ ഭാര്യ നല്കിയതാണ് ഈ ഐഡിയ.
യുപിയില് നിന്ന് ആഗ്രയിലേക്കുള്ള ഒരു യാത്രവേളയിലാണ് ഇത്തരമൊരു വാട്ടർ ടാങ്ക് ആദ്യമായി അവരുടെ ശ്രദ്ധയിൽപ്പെട്ടത്. തങ്ങള്ക്ക് ഇത്തരത്തില് ഒരു കാർ മോഡൽ നിർമ്മിക്കാൻ ഏകദേശം 2.5 ലക്ഷം രൂപ ചെലവായെന്ന് ഇന്റാസ് പറയുന്നു.