സംസ്ഥാനത്ത് അനധികൃത അവയവ കൈമാറ്റമെന്ന് ക്രൈംബ്രാഞ്ച്; അന്വേഷണം ആരംഭിച്ചു
തിരുവനന്തപുരം: സംസ്ഥാനത്ത് വ്യാപകമായി അനധികൃത അവയവക്കച്ചവടമെന്ന് ക്രൈംബ്രാഞ്ച് കണ്ടെത്തല്. വിഷയത്തില് ക്രൈംബ്രാഞ്ച് കേസ് രജിസ്റ്റര് ചെയ്ത അന്വേഷണം ആരംഭിച്ചു. സംസ്ഥാനത്ത് അനധികൃത അവയവ കൈമാറ്റങ്ങള് വ്യാപകമാണെന്നും ക്രൈംബ്രാഞ്ച് കണ്ടെത്തി.
കഴിഞ്ഞ രണ്ടു വര്ഷത്തിനിടെ വ്യാപകമായി അനധികൃത അവയവ ഇടപാടുകള് നടന്നുവെന്ന റിപ്പോര്ട്ടിന്റെ അടിസ്ഥാനത്തിലാണ് നടപടി. കേസില് തൃശ്ശൂര് ക്രൈംബ്രാഞ്ച് എസ്.പിക്കാണ് അന്വേഷണ ചുമതല. റിപ്പോര്ട്ട് പരിഗണിച്ച് അന്വേഷണത്തിന് ഡി.ജി.പി. ലോകനാഥ് ബെഹ്റ ഉത്തരവിടുകയായിരുന്നു.
തൃശ്ശൂര്, കൊടുങ്ങല്ലൂര് ഭാഗത്താണ് ഏറ്റവുമധികം അനധികൃത അവയവ കൈമാറ്റം നടന്നതെന്നാണ് റിപ്പോര്ട്ടുകള്. ഇത്തരം നടപടികള്ക്ക് സര്ക്കാര് ജീവനക്കാര്ക്കു പങ്കുണ്ടെന്നും കിഡ്നി അടക്കമുള്ള അവയവങ്ങള് നിയമവിരുദ്ധമായി ഇടനിലക്കാര് വഴി വില്ക്കുന്നുവെന്നുമാണ് ക്രൈംബ്രാഞ്ച് റിപ്പോര്ട്ട്.