കമറുദ്ദീൻ എംഎൽഎയ്ക്ക് എതിരെ 14 വഞ്ചനാ കേസുകൾ കൂടി:കേസ് ക്രെെംബ്രാഞ്ചിന്
എം സി കമറുദ്ദീന് എംഎല്എയ്ക്ക്തിരെ 14 വഞ്ചനാ കേസുകള് കൂടി കാസര്കോട് ചന്ദേര പൊലീസ് സ്റ്റേഷനില് രജിസ്റ്റര് ചെയ്തു. കമറുദ്ദീൻ പ്രതിയായ ചെറുവത്തൂര് ഫാഷന് ഗോള്ഡ് ജ്വല്ലറിയുമായി നിക്ഷേപത്തട്ടിപ്പ് കേസ് ക്രൈംബ്രാഞ്ച് അന്വേഷിക്കുമെന്ന് ഡിജിപി ലോക്നാഥ് ബെഹ്റ വ്യക്തമാക്കി. 14 പേരില് നിന്നായി ഒരു കോടിയിലധികം രൂപ വാങ്ങിയെന്നാണ് പുതിയ വിവരം. ഇതോടെ എംഎല്എക്കെതിരായ കേസുകളുടെ എണ്ണം 29 ആയി.
കേസുമായി ബന്ധപ്പെട്ട് എംസി കമറുദ്ദീന്റേയും മുസ്ലിം ലീഗ് നേതാവ് പൂക്കോയ തങ്ങളുടേയും വീട്ടില് കഴിഞ്ഞ ദിവസം പൊലീസ് റെയ്ഡ് നടത്തിയിരുന്നു. എംസി കമറെയ്ഡ് നടക്കുമ്പോള് ഇരുവരും വീട്ടിലുണ്ടായിരുന്നില്ല. ജ്വല്ലറി നിക്ഷേപങ്ങളുമായി ബന്ധപ്പെട്ട ചില രേഖകള് കണ്ടെടുത്തെന്ന് പൊലീസ് അറിയിച്ചു. വഞ്ചന കേസുകള്ക്ക് പുറമേ ഫാഷന് ഗോള്ഡ് ജ്വല്ലറി നിക്ഷേപകരുടെ പരാതിയില് എംസി കമറുദ്ദീന് എംഎല്എക്കും പൂക്കോയ തങ്ങള്ക്കുമെതിരെ 78 ലക്ഷം രൂപയുടെ ചെക്ക് തട്ടിപ്പ് കേസും രജിസ്റ്റര് ചെയ്തിട്ടുണ്ട്.