വെയിലിൽ നിന്ന് ജോലി ചെയ്തുകൊണ്ട് അവർ ആളുകളോട് പറയുന്നു ദയവു ചെയ്ത് നിങ്ങൾ വീട്ടിലിരിക്കു; ഹൃദയത്തിൽ തൊടുന്ന കുറിപ്പുമായി റോഷൻ ആന്ഡ്രൂസ്

single-img
10 April 2020

കൊറോണയെ പേടിച്ച് എല്ലാവരും വീട്ടിലിരിക്കുമ്പോൾ സ്നന്തം സുരക്ഷ വകവയ്ക്കാതെ വേനൽ ചൂടിൽ നിന്ന് ജോലി ചെയ്യുകയാണ് പൊലീസുകാർ. ആ പോലീസുകാരെക്കുറിച്ച് ഹൃദയത്തിൽ തൊടുന്ന കുറിപ്പുമായെത്തിയിരിക്കുകയാണ് സംവിധായകൻ റോഷൻ ആൻഡ്രൂസ്.

ഈ മഹാമാരിയിൽ കേരളമെന്ന ചെറിയ ഇടം മരണങ്ങളെ തോല്‍പ്പിച്ചുകൊണ്ട് ലോകത്തിന് മാതൃകയാകുകയാണെന്നും . ഇത് ജനങ്ങള്‍ക്ക് ആശ്വാസവും പ്രതീക്ഷയും നല്‍കുന്നുവെന്നും റോഷന്‍ ആന്‍ഡ്രൂസ് പറയുന്നു.

വേനല്‍ച്ചൂടിനെ പോലും വകവെക്കാതെ ജോലി ചെയ്യുന്ന പൊലീസുകാരെ കുറിച്ചും അവരുടെ ജീവനെക്കുറിച്ചും നമ്മള്‍ എപ്പോഴെങ്കിലും ചിന്തിച്ചിട്ടുണ്ടോയെന്നും റോഷന്‍ ആന്‍ഡ്രൂസ് ഫേസ്ബുക്ക് കുറിപ്പില്‍ ചോദിക്കുന്നു.

ഡ്യൂട്ടിക്ക് ഇറങ്ങുന്ന പൊലീസുകാരനോട് പോകല്ലേ കൊറോണയാണെന്ന് വാവിട്ട് കരഞ്ഞ് പറയുന്ന കുഞ്ഞുമകളുടെ വീഡിയോ കണ്ടിരുന്നു. ആ അച്ഛന് തന്റെ ഉത്തരവാദിത്തം നിറവേറ്റിയേ മതിയാകൂ.

ഇങ്ങനെയാണ് ഓരോ പൊലീസുകാരനും ഈ ദിവസങ്ങളില്‍ നമുക്കായി ജോലി ചെയ്യുന്നത്. വീടിന്റെ സുരക്ഷിതത്വത്തില്‍ ഇരിക്കുന്ന തനിക്ക്, മുഴുവന്‍ പൊലീസുകാര്‍ക്കും നല്‍കാനുള്ളത് സ്‌നേഹത്തിന്റെയും ആദരവിന്റെയും സല്യൂട്ട് മാത്രമാണെന്നും റോഷന്‍ ആന്‍ഡ്രൂസ് ഫേസ്ബുക്കില്‍ കുറിച്ചു.