അമിത രക്തസമ്മര്ദത്തെയും ഹൃദ്രോഗത്തെയും പ്രതിരോധിക്കാം ഡാഷ് ഡയറ്റിലൂടെ
അരോഗ്യം സംരക്ഷിക്കാന് വ്യായാമം മാത്രം പോര, നല്ല ഭക്ഷണ ശീലവും ആവശ്യമാണ്. ശരീരത്തിന് ആവശ്യമായ എല്ലാ പോഷകങ്ങളും നല്കിക്കൊണ്ടുള്ള ആഹാരക്രമമാണ് ഡാഷ് ഡയറ്റ്
(Dietary Approach to Stop hypertension - DASH) .
പഴങ്ങൾ, ധാന്യങ്ങൾ, പച്ചക്കറികൾ, കൊഴുപ്പ് കുറഞ്ഞ പാലും പാലുത്പന്നങ്ങളും, മത്സ്യം, കൊഴുപ്പ് കുറഞ്ഞ മാംസം, നട്സ് എന്നിവയാണ് ഡാഷ് ഡയറ്റിൽ ഉൾപ്പെടുന്നത്. ഡാഷ് ഡയറ്റിൽ മധുരം ഉപയോഗിക്കില്ല. ഉപ്പ്, റെഡ് മീറ്റ് , കൊഴുപ്പ് എന്നിവയ്ക്കെല്ലാം നിയന്ത്രണം ഉണ്ട്.
ശരീരഭാരം കുറയ്ക്കാന് ഏറെ സഹായകമാണ് ഡാഷ് ഡയറ്റ്. മാത്രമല്ല കാൻസർ, പ്രമേഹം, മെറ്റബോളിക് സിൻഡ്രോം
എന്നിവയെയും ഫലപ്രദമായി പ്രതിരോധിക്കുന്നു. വിദഗ്ധനായ ഒരു ഡയറ്റീഷ്യന്റെ ഉപദേശപ്രകാരം വേണം ഡാഷ് ഡയറ്റ് തെരഞ്ഞെടുക്കാന്. രോഗങ്ങളുള്ളവരും മരുന്നുകൾ ഉപയോഗിക്കുന്നവരും ഒരിക്കലും സ്വന്തം ഇഷ്ടമനുസരിച്ച് ഡയറ്റുകൾ പരീക്ഷിക്കരുത്.