ഹാജരിനായി ശേഖരിച്ച എംഎൽഎമാരുടെ ഒപ്പുകൾ അജിത് പവാർ ദുരുപയോഗം ചെയ്തു: എൻസിപി നേതാവ് നവാബ് മാലിക്
23 November 2019
എംഎൽഎമാരുടെ ഹാജർ ഉറപ്പാക്കുന്നതിനായി ശേഖരിച്ച ഒപ്പുകൾ ദുരുപയോഗം ചെയ്താണ് അജിത് പവാറും ദേവേന്ദ്ര ഫഡ്നവിസും സത്യപ്രതിജ്ഞ ചെയ്തതെന്ന ഗുരുതര ആരോപണവുമായി മുതിർന്ന എൻസിപി നേതാവ് നവാബ് മാലിക്.
ഇത് വഞ്ചനയിലൂടെ ഉണ്ടാക്കിയ സർക്കാർ ആണെന്നും നിയമസഭയിൽ ഈ നീക്കം പരാജയപ്പെടുമെന്നും നവാബ് മാലിക് പറഞ്ഞു. എല്ലാ എംഎൽഎമാരുടെയും പിന്തുണ തങ്ങൾക്കുണ്ടെന്നും അദ്ദേഹം അവകാശപ്പെട്ടു.
ഇതിനിടെ ഇന്നു വൈകിട്ട് 4:30-ന് ശരദ് പവാർ എൻസിപി എംഎൽഎമാരുടെ യോഗം വിളിച്ചിട്ടുണ്ട്.
