ദബാംഗ് 3: മൂന്നാമത്തെ ഓഡിയോ ഗാനം റിലീസ് ചെയ്തു
12 November 2019
ദബാംഗ് സീരിസിലെ മൂന്നാമത്തെ ചിത്രമാണ് ദബാംഗ് 3. 2012-ല്‍ പുറത്തിറങ്ങിയ ദബാംഗ് 2 എന്ന ചിത്രത്തിന്റെ ബാക്കിയായിട്ടാണ് ചിത്രം എത്തുന്നത്. ചിത്രത്തിന്റെ മൂന്നാമത്തെ ഓഡിയോ ഗാനം റിലീസ് ചെയ്തു. പ്രഭുദേവ ആണ് ഇത്തവണ ചിത്രം സംവിധാനം ചെയ്യുന്നത്. സോനാക്ഷി സിന്‍ഹ ആണ് നായിക.
സല്‍മാന്‍ ഖാന്‍, അര്‍ബാസ് ഖാന്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. ചിത്രത്തില്‍ അര്‍ബാസ് ഖാന്‍, മഹി ഗില്‍ എന്നിവര്‍ മുന്‍ ചിത്രങ്ങളില്‍ നിന്ന് അവരുടെ വേഷങ്ങള്‍ അവതരിപ്പിക്കുന്നു, കിച്ച സുദീപ് ആണ് വില്ലന്‍. ചിത്രം കന്നഡ, തമിഴ്, തെലുങ്ക് ഡബ്ബ് പതിപ്പുകള്‍ക്കൊപ്പം ഡിസംബര്‍ 20 ന് ഹിന്ദിയില്‍ റിലീസ് ചെയ്യും.
