പ്രമേഹത്തെയും അമിതവണ്ണത്തേയും ചെറുക്കാന് ആരോഗ്യകരമായ മെഡിറ്ററേനിയന് ഡയറ്റ്
അമിതവണ്ണവും ജീവിതശൈലി രോഗങ്ങളും എത്തിയതോടെ ഡയറ്റിലേക്കാണ് ആളുകളുടെ ശ്രദ്ധ മുഴുവന്. എന്നാല് പല ഡയറ്റുകളും അരോഗ്യകരമല്ലെന്നത് വാസ്തവമാണ്. ഭക്ഷണം കുറയ്ക്കുകയല്ല മറിച്ച് അവശ്യത്തിന് പോഷകങ്ങള് ശരീരത്തിന് ലഭിക്കുന്ന ഭക്ഷണം അടങ്ങിയ ഡയറ്റ് പ്ലാനായിരിക്കണം തെരഞ്ഞെടുക്കേണ്ടത്.
അത്തരത്തിലൊന്നാണ് മെഡിറ്ററേനിയന് ഡയറ്റ്.
ഗ്രീസ്, ഇറ്റലി, തെക്കൻ ഫ്രാൻസ് , സ്പെയിൻ എന്നീ രാജ്യങ്ങളിലെ പാരമ്പര്യ ഭക്ഷണ രീതിയാണ് ഇത്. പഴങ്ങൾ, പച്ചക്കറികൾ, മുഴുധാന്യങ്ങൾ, പയർ വർഗങ്ങൾ, നട്സ് എന്നിവ ധാരാളം ഉള്പ്പെടുത്തുന്നു. ഒലിവെണ്ണ ഉൾപ്പെടെ ആരോഗ്യകരമായ സസ്യ എണ്ണകൾ മാത്രമേ ഉപയോഗിക്കുന്നുള്ളൂ. ഉപ്പ് മിതമായി മാത്രം. സുഗന്ധവ്യഞ്ജനങ്ങളും പോഷക ഗുണവും രുചിയും മണവുമുള്ള ഇലകളും ഉൾപ്പെടുന്നു.
കോഴിയിറച്ചി ഉൾപ്പെടെയുള്ള പക്ഷിമാംസവും കൊഴുപ്പു കുറഞ്ഞ മത്സ്യവും ആഴ്ചയിൽ തവണ ഉപയോഗിക്കാം. കൊഴുപ്പു നീക്കിയ പാലും പാലുത്പന്നങ്ങളും മിതമായി മാത്രം കഴിക്കാം.ഇടനേരങ്ങളിൽ ഡ്രൈ ഫ്രൂട്സ്, ഉപ്പില്ലാത്ത നട്സ് എന്നിവ മാത്രം. പാനീയമായി ശുദ്ധജലം മാത്രമേ ഉപയോഗിക്കാവൂ.
രോഗപ്രതിരോധ ശേഷി വര്ധിപ്പിക്കുവന്ന ഡയറ്റാണിത്.ദഹനവും സുഗമമാക്കും.പ്രമേഹത്തെയും നിയന്ത്രിക്കാം ഹൃദയത്തിനും ഉത്തമം.ഇവയ്ക്കെല്ലാം പുറമേ ചര്മ്മത്തിന് തിളക്കവും നല്കും.