ജമ്മു കാശ്മീർ മുൻ മുഖ്യമന്ത്രിമാരായ ഒമർ അബ്ദുള്ളയും മെഹബൂബ മുഫ്തിയും അറസ്റ്റിൽ
5 August 2019
ഭരണഘടന ആര്ട്ടിക്കിള് 370റദ്ദാക്കപ്പെട്ട പിന്നാലെ ജമ്മു കാശ്മീർ മുൻ മുഖ്യമന്ത്രിമാരായ പിഡിപി നേതാവ് മെഹബൂബ മുഫ്തിയും നാഷണൽ കോൺഫറൻസ് നേതാവുമായ ഒമർ അബ്ദുള്ളയും അറസ്റ്റില്. ഇരുവരുടേയും അറസ്റ്റിന് ശേഷം ഗവൺമെന്റ് ഗസ്റ്റ് ഹൗസുകളിലേക്ക് മാറ്റിയെന്നാണ് ലഭ്യമാകുന്ന റിപ്പോര്ട്ടുകള്.
ഭരണഘടന ആര്ട്ടിക്കിള് 370 റദ്ദാക്കുന്ന കേന്ദ്രസര്ക്കാര് തീരുമാനം ഇന്ത്യയുടെ കറുത്ത ദിനമാണെന്നായിരുന്നു മെഹ്ബൂബ മുഫ്തി പ്രതികരിച്ചത്. അതേസമയം, തീരുമാനം ജനാധിപത്യ വിരുദ്ധമാണെന്നും കേന്ദ്ര സര്ക്കാര് തീരുമാനം മഹാദുരന്തമാണെന്നും മെഹബൂബ മുഫ്തി ട്വിറ്ററിലൂടെ തുറന്നടിച്ചിരുന്നു. ഇതിനോട് സമാനമായ അഭിപ്രായ പ്രകടനം തന്നെയാണ് ഒമർ അബ്ദുള്ളയും നടത്തിയത്.