തിരുവനന്തപുരത്ത് റെയ്ഡിൽ പഴകിയ ഭക്ഷണം പിടിച്ചെടുത്ത 46 ഹോട്ടലുകൾ ഇവയാണ്

തിരുവനന്തപുരം നഗരസഭയുടെ ആരോഗ്യ വിഭാഗം നഗരത്തിലെ ഹോട്ടലുകളില്‍ നടത്തിയ പരിശോധനയില്‍, പഴകിയ ഭക്ഷണ സാധനങ്ങള്‍ പിടികൂടി. മൊത്തം 59 ഹോട്ടലുകളിലാണ് പരിശോധന നടത്തിയത്. ഇവയിൽ ചെറുതും വലുതുമായ 30-ലധികം ഹോട്ടലുകളില്‍ നിന്നും പഴകിയ ആഹാര സാധനങ്ങള്‍ പിടിച്ചെടുത്തു.

ജീവനക്കാർക്ക് ഹെൽത്ത് കാർഡ് ഇല്ലാത്തതാണ് പൊതുവായ പ്രശ്നം. മാലിന്യങ്ങൾ തരംതിരിച്ച് സൂക്ഷിക്കാതിരിക്കുക, നിരോധിച്ച പ്ലാസ്റ്റിക് ബാഗുകൾ സൂക്ഷിക്കുക, വൃത്തിഹീനമായ ചുറ്റുപാടിൽ ഭക്ഷണങ്ങൾ സൂക്ഷിക്കുക, ഭക്ഷണങ്ങൾ അടച്ച് സൂക്ഷിക്കാതിരിക്കുക, തുടങ്ങിയ പ്രശ്നങ്ങളും കണ്ടെത്തി. ഇതു കൂടാതെ പല ഹോട്ടലുകളിൽ നിന്നും പഴകിയ ഭക്ഷണ പദാർഥങ്ങളും പിടിച്ചെടുത്തിട്ടുണ്ട്. ഇത്തരത്തിൽ ക്രമക്കേടുകൾ കണ്ടെത്തിയ 46 ഹോട്ടലുകൾക്ക് നഗരസഭ നോട്ടീസും നൽകി.

പഴക്കമുള്ള ചിക്കന്‍, ബീഫ്, മട്ടന്‍, മത്സ്യം, പൊറോട്ട, ചൈനീസ് മസാല, എണ്ണക്കറികള്‍, പഴകിയ എണ്ണ, തൈര്, മയൊണൈസ് എന്നിവയാണ് പിടിച്ചെടുത്തത്. പരിശോധന ഇനിയും തുടരുമെന്ന് നഗരസഭ മേയര്‍ വി കെ പ്രശാന്ത് വ്യക്തമാക്കി.

ചെറുകിട ഹോട്ടലുകൾ മുതൽ നഗരത്തിലെ പ്രമുഖ ഭക്ഷണശാലകളായ പാളയത്തെ സംസം, എംആർഎ, സ്റ്റാച്യുവിലെ ഹോട്ടൽ പങ്കജ്, സ്റ്റാച്യു റസ്റ്റോറന്റ്, ട്രിവാൻഡ്രം ഹോട്ടൽ അട്ടക്കുളങ്ങരയിലെ ബുഹാരി തുടങ്ങി നിരവധി റെസ്റ്റോറന്റുകൾക്കാണ് നഗരസഭ നോട്ടീസ് നൽകിയിരിക്കുന്നത്.

നഗരസഭ നോട്ടീസ് നൽകിയ ഹോട്ടലുകൾ ഇവയാണ്