ഷാര്ജ ഭരണാധികാരിയുടെ മകന് ശൈഖ് ഖാലിദ് ബിന് സുല്ത്താന് അല് ഖാസിമി അന്തരിച്ചു
2 July 2019
ഷാര്ജ ഭരണാധികാരിയായ ശൈഖ് സുല്ത്താന് ബിന് മുഹമ്മദ് അല് ഖാസിമിയുടെ മകന് ശൈഖ് ഖാലിദ് ബിന് സുല്ത്താന് ബിന് മുഹമ്മദ് അല് ഖാസിമി (39 ലണ്ടനില് അന്തരിച്ചു. ഷാര്ജയുടെ അര്ബന് പ്ലാനിങ് കൗണ്സില് ചെയര്മാനാനായിരുന്നു.
മരണത്തെ തുടര്ന്ന് യുഎഇയില് മൂന്ന് ദിവസത്തെ ദുഃഖാചരണം പ്രഖ്യാപിച്ചു. ലണ്ടനില് വെച്ച് ജൂലായ് ഒന്നിന് തിങ്കളാഴ്ചയായിരുന്നു മരണം എന്ന് റൂളേര്സ് കോര്ട്ട് പുറപ്പെടുവിച്ച അറിയിപ്പില് പറയുന്നു. അദ്ദേഹത്തിന്റെ ഭൗതിക ശരീരം യുഎയിലേക്കെത്തിക്കുന്നതിന്റേയും ഖബറടക്കത്തിന്റേയും തിയതി പിന്നീട് അറിയിക്കുമെന്ന് അധികൃതര് അറിയിച്ചു.