നടൻ അല്ലു അര്ജുന്റെ സഹോദരന് അല്ലു ബോബി രണ്ടാമതും വിവാഹിതനായി
22 June 2019
പ്രശസ്ത തെന്നിന്ത്യന് താരം അല്ലു അര്ജുന്റെ സഹോദരന് അല്ലു ബോബി രണ്ടാമതും വിവാഹിതനായി. മുംബൈ സ്വദേശിനിയായ നീല ഷാ ആണ് വധു. ഇദ്ദേഹത്തിന്റെ ആദ്യ ഭാര്യ നീലിമയാണ്. ആ ബന്ധത്തില് ഇരുവര്ക്കും അന്വിത എന്ന മകളുമുണ്ട്.
വിവാഹക്കാര്യം ബോബി തന്നെയാണ് സമൂഹമാധ്യമങ്ങളിലൂടെ പങ്കുവെച്ചത്. വധു നീല ഷാ എംബിഎ ബിരുദധാരിയും യോഗ ഇന്സ്ട്രക്ടര് കൂടിയുമാണ്.
‘ഇന്ന് ഞാന് വിവാഹിതനായി..ഇതെനിക്ക് പുതിയ തുടക്കമാണ്.. എന്നെ അനുഗ്രഹിക്കണം. ഞാന് 2005-ല് വിവാഹിതനായി 2016-ല് സമാധാനപരമായി വിവാഹമോചിതനുമായി. ദൈവം എന്നെ മുന്നോട്ട് പോകാനും സന്തോഷമായി ജീവിക്കാനും പഠിപ്പിച്ചിട്ടുണ്ട്. എന്റെ കുടുംബം എന്നെ പൂര്ണ്ണമായും ഇതില് പിന്തുണയ്ക്കുന്നു.’ വിവാഹ വാര്ത്ത പങ്കുവച്ചുകൊണ്ട് അല്ലു ബോബി കുറിച്ചു