പശ്ചിമബംഗാളിൽ ഫോനി താണ്ഡവം; കോല്ക്കത്ത വിമാനത്താവളം അടച്ചിട്ടു: 140 ട്രെയിനുകള് റദ്ദാക്കി.
പശ്ചിമബംഗാളിലും ഫോനി കൊടുങ്കാറ്റ് ആഞ്ഞുവീശുന്നു. ഒഡീഷയില് കനത്തനാശം വിതച്ച ഫോനി ചുഴലിക്കാറ്റ് പശ്ചിമബംഗാളിലും തുടര്ന്ന് വടക്കുകിഴക്കന് മേഖലകളിലും ആഞ്ഞുവീശി.
മണിക്കൂറിൽ 100 മുതൽ 110വരെ കിലോമീറ്റർ വേഗതയിലാണ് കാറ്റ് വീശിയത്. എന്നാൽ പിന്നീട്, കാറ്റിന്റെ വേഗത മണിക്കൂറില് 90 കിലോമീറ്ററായി കുറഞ്ഞു.
കോല്ക്കത്ത വിമാനത്താവളം അടച്ചിട്ടിരിക്കുകയാണ്. 83 പാസഞ്ചര് ട്രെയിനുകള് അടക്കം 140 ട്രെയിനുകള് റദ്ദാക്കി.
ബംഗാളില് വെള്ളിയാഴ്ച അര്ധരാത്രിയോടെ തീരംതൊട്ട ഫോനി ഖൊരഖ്പൂരിലാണ് ആദ്യം വീശിയത്. തീരദേശ മേഖലകളായ ദിഗ, താജ്പൂര്, തുടങ്ങിയ ഇടങ്ങളിലും കാറ്റ് വീശി. കോല്ക്കത്തയടക്കമുള്ള പ്രധാന നഗരങ്ങളില് കനത്തമഴ തുടരുകയാണ്.