സർക്കാർ സ്കൂളുകൾ മുന്നോട്ട്: സർക്കാർ വിദ്യാലയങ്ങളിൽ പുതുതായി എത്തിയത് രണ്ടര ലക്ഷം കുട്ടികൾ
31 January 2019
പൊതുവിദ്യാലയങ്ങളിൽ രണ്ടര ലക്ഷം കുട്ടികൾ പുതിയതായി എത്തിയതായി ധനമന്ത്രി. ധനമന്ത്രി തോമസ് ഐസക് ബജറ്റ് പ്രസംഗത്തിലാണ് ഇക്കാര്യം പറഞ്ഞത്.
സർക്കാർ സ്കൂളുകൾ ആധുനികവത്കരിക്കുമെന്നും സർക്കാർ പ്രഖ്യാപനം ബജറ്റിൽ നടന്നു. സ്കൂളുകളുടെ പശ്ചാത്തല വികസനത്തിന് 170 കോടി രൂപ അനുവദിക്കുമെന്നും തോമസ് പറഞ്ഞു.
അക്കാഡമിക് നിലവാരം മെച്ചപ്പെടുത്താൻ 32 കോടി രൂപ അനുവദിക്കും. എൽപി, യുപി സ്കൂളുകൾ ഹൈടെക് ആക്കാൻ 292 കോടി, സ്കൂളുകളുടെ പശ്ചാത്തല വികസനത്തിന് 170 കോടി എന്നിങ്ങനെയും ബജറ്റിൽ വകയിരുത്തി.