ബി.ജെ.പിയുടെ വിഫലമായ മുന്നാര് സമര ഐക്യദാര്ഡ്യദിനമായ ഇന്ന് സോഷ്യല് മീഡിയ ട്രോളുകളാല് ആഘോഷിക്കുന്നു
16 September 2015
മൂന്നാര് കണ്ണന് ദേവന് എസ്റ്റേറ്റിലെ ഐതിഹാസിക സമരത്തിനോടനുബന്ധിച്ച് ബി.ജെ.പിയുടെ വിഫലമായ മുന്നാര് സമര ഐക്യദാര്ഡ്യദിനമായ ഇന്ന് സോഷ്യല് മീഡിയ ട്രോളുകളാല് ആഘോഷിക്കുന്നു. സമകാലിക സംഭവ ട്രോളുകളുടെ തലതൊട്ടപ്പന്മാരായ ഐ.സി.യു, ട്രോള് മലയാളം എന്നിവയില് കഴിഞ്ഞ ദിവസം മുതല് തന്നെ ആ പാഴായ ഐക്യദാര്ഡ്യ സമരമാണ് വിഷയം.
സമരം ഒത്തുതീര്ന്നതിന്റെയന്ന് ”വരുന്ന പതിനാറിന് മൂന്നാറിലെ തൊഴിലാളികളോട് ഐക്യദാര്ഡ്യം പ്രഖ്യാപിച്ച് ധര്ണ്ണകളും പ്രകടനങ്ങളും നടത്താന് സംസ്ഥാന കമ്മിറ്റി തീരുമാനിച്ചു”വെന്ന ബി.ജെ.പി സംസ്ഥാന പ്രസിഡന്റ് വി. മുരളീധരന്റെ ഫേസ്ബുക്ക് പോസ്റ്റാണ് പരിഹാസത്തിന് പാത്രമായത്. തുടര്ന്ന് വി.മുരളീധരന് ഫേസ്ബുക്ക് പോസ്റ്റ് പിന്വലിച്ചിരുന്നു.