ഉദയ്പുർ കൊലയാളികൾ നുഴഞ്ഞുകയറ്റക്കാർ: ബിജെപി
ഉദയ്പുർ കൊലയാളികൾ ബിജെപി അംഗങ്ങളല്ല എന്ന് ബിജെപി ഐടി സെൽ മേധാവി അമിത് മാളവ്യ. രാജീവ് ഗാന്ധിയെ കൊല്ലാൻ എൽടിടിഇ കൊലയാളി കോൺഗ്രസിലേക്ക് നുഴഞ്ഞുകയറാൻ ശ്രമിച്ചതുപോലെയായിരുന്നു ഇവരുടെയും നുഴഞ്ഞുകയറ്റ ശ്രമമെന്ന് അമിത് വാളവ്യ ട്വീറ്റ് ചെയ്തു.
ഉദയ്പുർ കൊലയാളികൾ ന്യൂനപക്ഷ മോർച്ചയുടെ സജീവ പ്രവർത്തകരാണെന്ന് മാധ്യമങ്ങൾ റിപ്പോർട്ട് ചെയ്തിരുന്നു. ഇതിനു പിന്നാലെ പ്രതികളില് ഒരാളായ റിയാസ് അഖ്താരി ബിജെപി നേതാക്കള്ക്കൊപ്പം നില്ക്കുന്ന ചിത്രങ്ങള് കോണ്ഗ്രസ് പുറത്തുവിട്ടിരുന്നു. ഇയാളുടെ ബിജെപി ബന്ധം പുറത്തുവന്നതോടെയാണ് തിടുക്കപ്പെട്ട് കേസ് എൻഐഎയെ ഏൽപ്പിച്ചത് എന്നാണു കോൺഗ്രസ്സ് ആരോപണം. പ്രതിയുടെ ബിജെപി ബന്ധം മൂടിവയ്ക്കാനായിരുന്നു ഇതെന്നും കോൺഗ്രസ് ആരോപിക്കുന്നു.
ഉദയ്പൂർ സംഭവവുമായി ബന്ധപ്പെട്ട് ഒരു മാധ്യമം പുറത്തുവിട്ട റിപ്പോർട്ട് ഉദ്ധരിച്ച് മുതിർന്ന കോൺഗ്രസ് നേതാവ് പവൻ ഖേരയാണ് ആരോപണം ഉന്നയിച്ചത്. കനയ്യ ലാലിന്റെ കൊലയാളി റിയാസ് അഖ്താരി ബിജെപി അംഗമാണെന്ന് ഖേര ട്വീറ്റ് ചെയ്തു