ഹൂതികള്‍ക്ക് തിരിച്ചടിയായി യെമനിൽ വ്യോമാക്രമണം നടത്തി സൗദി അറേബ്യ
26 March 2022
കഴിഞ്ഞ ദിവസം സൗദിയിലെ ജിദ്ദ യിലെ അരാംകൊ എണ്ണ വിതരണ കേന്ദ്രം ആക്രമിച്ച ഹൂതികള്‍ക്ക് തിരിച്ചടി നല്‍കി സൗദി അറേബ്യ.ഇന്ന് ഇതിനു മറുപടിയായി യെമന്‍ തലസ്ഥാനമായ സനായിലും ഹുദെയ്ദ ഇന്ധന വിതരണ കേന്ദ്രത്തിലും സൗദി അറേബ്യ വ്യോമാക്രമണം നടത്തി.
കഴിഞ്ഞ ദിവസം ഹൂതി വിമതര്‍ നടത്തിയ ആക്രമണത്തില്‍ സൗദിയിലെ അരാംകോ എണ്ണ സംഭരണികള്‍ക്കു തീ പിടിച്ചിരുന്നു. ഇതിനെ തുടർന്ന് തങ്ങളെ ആക്രമിച്ചവരെ ഇല്ലാതാക്കുമെന്നു സൗദി അറേബ്യ മുന്നറിയിപ്പും നല്‍കിരുന്നു.
ഇതോടൊപ്പം തന്നെ സൗദിയിലെ വിവിധ നഗരങ്ങളിലെ തന്ത്ര പ്രധാന കേന്ദ്രങ്ങള്‍ ലക്ഷ്യമാക്കി ഹൂതികള്‍ ഡ്രോണ്‍, മിസൈല്‍ ആക്രമണങ്ങള്‍ നടത്തിയിരുന്നു. പക്ഷെ തങ്ങൾക്കെതിരെ ഉണ്ടായ എല്ലാ ആക്രമണ ശ്രമങ്ങളെയും സൗദി സഖ്യസേന തത്സമയം പരാജയപ്പെടുത്തിയതുകൊണ്ട് കൂടുതല്‍ അപകടങ്ങള്‍ ഉണ്ടായിട്ടില്ല.
