ബംഗാളില് എട്ട് ദിവസത്തേക്ക് ഇന്റര്നെറ്റ് സേവനങ്ങള്ക്ക് വിലക്കുമായി മമതാ സർക്കാർ
നിയമവിരുദ്ധപ്രവര്ത്തനങ്ങള് നടക്കുന്നു എന്ന കാരണത്താൽ ബംഗാളില് എട്ട് ദിവസത്തേക്ക് ഇന്റര്നെറ്റ് സേവനങ്ങള്ക്ക് വിലക്കേര്പ്പെടുത്തി സംസ്ഥാന സര്ക്കാര്. സംസ്ഥാനത്തെ ഏഴ് ജില്ലകളിലാണ് സര്ക്കാര് നിലവില് നിരോധനമേര്പ്പെടുത്തിയിട്ടുള്ളത്.
ഇവിടങ്ങളിൽ നടക്കുന്ന നിയമവിരുദ്ധപ്രവര്ത്തനങ്ങള്ക്ക് തടയിടാനാണ് ഇതിലൂടെയുള്ള ശ്രമമെന്നും സര്ക്കാര് വിശദീകരിക്കുന്നു. ഈ ജില്ലകളിൽ നിയമവിരുദ്ധപ്രവര്ത്തനങ്ങള് നടക്കാന് സാധ്യതയുണ്ടെന്ന് സര്ക്കാരിന് ഇന്റലിജന്സ് വിഭാഗത്തിന്റെ റിപ്പോര്ട്ട് ലഭിച്ചിട്ടുണ്ടെന്നും റിപ്പോർട്ടിൽ പറയുന്നു.
സംസ്ഥാനത്തെ മാല്ഡ, മുര്ഷിദാബാദ്, ഉത്തര് ദിനജ്പൂര്, കൂച്ച്ബെഹാര്, ജല്പായ്ഗുരി, ബിര്ഭും, ഡാര്ജിലിംഗ് എന്നിവിടങ്ങളിലെ ചില മേഖലകളിലായിരിക്കും ഇന്റര്നെറ്റ് തടസപ്പെടുന്നത്. ഈ മാസം 7 മുതല് 9, മാര്ച്ച് 11, 12, 15, 16 തുടങ്ങിയ ദിവസങ്ങളില് രാവിലെ 11 മുതല് 3.15 വരെയാണ് ഇന്റര്നെറ്റ് വിലക്കുന്നത്,’ പ്രസ്താവനയില് പറയുന്നു.