കിറ്റക്സിലെ തൊഴിൽ നിയമങ്ങൾ; ലേബർ കമ്മീഷണർ നേരിട്ട് പരിശോധിച്ച് തെളിവെടുക്കും: മന്ത്രി വി ശിവൻകുട്ടി
28 December 2021
കിറ്റെക്സിൽ തൊഴിൽ നിയമങ്ങൾ പാലിക്കുന്നുണ്ടോ എന്നറിയാൻ ലേബർ കമ്മീഷണർ നേരിട്ട് പരിശോധിച്ച് തെളിവെടുക്കുമെന്ന് മന്ത്രി വി ശിവൻകുട്ടി അറിയിച്ചു. കിഴക്കമ്പലത്ത് പൊലീസിന് നേരെ ആക്രമണം ഉണ്ടായ പശ്ചാത്തലത്തിൽ പ്രതികൾ ലഹരി ഉപയോഗിച്ചതായി റിമാൻഡ് റിപ്പോർട്ടിൽ പറയുന്നു. ഇതുസംബന്ധിച്ചും ലേബർ കമ്മീഷണർ നേരിട്ട് പരിശോധിച്ച് തെളിവെടുക്കും.
അതേസമയം, ആക്രമണം പെരുമ്പാവൂര് എ എസ് പി അനൂജ് പലിവാലിന്റെ നേതൃത്വത്തില് രണ്ട് ഇന്സ്പക്ടര്മാരും ഏഴു സബ് ഇന്സ്പക്ടര്മാരുടമടങ്ങിയ 19 അംഗസംഘമാണ് അന്വേഷിക്കുന്നത്. ഇപ്പോൾ 164 പേരാണ് അറസ്റ്റിലായിരിക്കുന്നത്. കൂടുതല് പ്രതികളുണ്ടെന്നാണ് പോലീസ് കിട്ടുന്ന വിവരം. ഇവരെ കണ്ടെത്തുന്നതിനായി സിസിടിവി മൊബൈല് ദൃശ്യങ്ങള് അന്വേഷണ സംഘം പരിശോധിക്കും.