ഫിനാന്ഷ്യല് ടൈംസിന്റെ ലോകത്തെ സ്വാധീനിച്ച 12 വനിതകളുടെ പട്ടികയില് ഇടംനേടി കെകെ ശൈലജ
8 December 2020
പ്രശസ്ത അന്താരാഷ്ട്ര മാഗസിനായ ഫിനാന്ഷ്യല് ടൈംസിന്റെ ലോകത്തെ സ്വാധീനിച്ച 12 വനിതകളുടെ പട്ടികയില് സ്ഥാനം നേടി ആരോഗ്യമന്ത്രി കെ കെ ശൈലജ. എല്ലാ വര്ഷവും ഡിസംബറില് ഫിനാന്ഷ്യല് ടൈംസ് ആഗോളാടിസ്ഥാനത്തില് പുറപ്പെടുവിക്കുന്ന പട്ടികയിലാണ് ഈ നേട്ടം.
ഇക്കുറി പട്ടികയിലേക്ക് നൂറുകണക്കിന് നോമിനേഷനുകള് ലഭിച്ചിരുന്നതായി ഫിനാന്ഷ്യല് ടൈംസ് മുന്പ് പറഞ്ഞിരുന്നു.
ന്യൂസിലാന്റ് പ്രധാനമന്ത്രി ജസീന്ദ ആര്ഡെന്, ജര്മന് ചാന്സലര് ആഞ്ചല മെര്ക്കല്, അമേരിക്കയുടെ നിയുക്ത വൈസ് പ്രസിഡന്റ് കമല ഹാരിസ്, അമേരിക്കയിലെ രാഷ്ട്രീയ നേതാവ് സ്റ്റേസി അബ്രാംസ് എന്നിവര്ക്കൊപ്പമാണ് കെ കെ ശൈലജ ടീച്ചറേയും വായനക്കാര് തെരഞ്ഞെടുത്തത്. മുന്പ്, ഫാഷന് മാഗസിനായ വോഗ് ഇന്ത്യയുടെ വുമണ് ഓഫ് ദ ഇയര് സീരീസിലും ശൈലജ ഇടം നേടിയിരുന്നു.