ഉദ്ദവ് താക്കറെയുടെ കാർട്ടൂൺ സോഷ്യൽ മീഡിയയിൽ പങ്കുവച്ചു; റിട്ട. നാവിക ഉദ്യോഗസ്ഥന് ക്രൂരമർദ്ദനം
തങ്ങളെ വിമർശിക്കുന്ന കാർട്ടൂൺ പങ്കുവയ്ക്കുന്നതിൽ അസഹിഷ്ണുത പ്രകടിപ്പിച്ച് ശിവസേനാ പ്രവർത്തകർ. മഹാരാഷ്ട്ര മുഖ്യമന്ത്രി ഉദ്ധവ് താക്കറെയുടെ കാര്ട്ടൂണ് വാട്ട്സ്ആപ്പ് ഗ്രൂപ്പിൽ പങ്കുവച്ചതിന് വിരമിച്ച നാവിക സേന ഉദ്യോഗസ്ഥനെ ശിവസേന പ്രവര്ത്തകര് മര്ദ്ദിച്ചു. മദന് ശര്മ (65)യ്ക്കാണ് ക്രൂരമായി മര്ദ്ദനമേറ്റത്.
സബര്ബന് കാണ്ഡിവാലിയിലെ ലോഖണ്ഡ്യാല കോംപ്ലക്സിലുള്ള മദന് ശര്മയുടെ വസതിയിലെത്തിയാണ് ശിവസേന പ്രവര്ത്തകര് മര്ദ്ദിച്ചത്. മദന് ശര്മയെ മര്ദ്ദിക്കുന്നതിന്റെ സിസിടിവി ദൃശ്യങ്ങള് ശിവസേനാ പ്രവർത്തകർ ഇപ്പോൾ സമൂഹമാധ്യമങ്ങളില് വ്യാപകമായി പ്രചരിപ്പിക്കുകയാണ്.
സംഭവത്തില് മുന് മുഖ്യമന്ത്രി ദേവേന്ദ്ര ഫഡ്നാവിസ് ഉള്പ്പടെയുള്ള നേതാക്കൾ പ്രതിഷേധിച്ചു. സര്ക്കാര് ഗുണ്ടാരാജ് അവസാനിപ്പിക്കണമെന്നും ഇത് തീര്ത്തും ഞെട്ടിപ്പിക്കുന്നതും വേദനയുളവാക്കുന്ന സംഭവവുമാണെന്നും അദ്ദേഹം ട്വിറ്ററില് കുറിച്ചു.