ഡോളർ താഴേക്ക്, രൂപ മുകളിലേക്ക്; മൂല്യം 0.77 ശതമാനം ഉയർന്നു

സമീപ കാലത്തെ മികച്ച നേട്ടത്തിൽ ഇന്ത്യൻ രൂപ. അമേരിക്കൻ ഡോളറിനെതിരെ രൂപയുടെ മൂല്യം 0.77 ശതമാനം(59 പൈസ) ഉയർന്നു. ഇന്ത്യൻ രൂപയുടെ മൂല്യം 76 മാർക്കിന് മുകളിലേക്ക് എത്തിയത് രാജ്യത്തെ വിനിമയ വിപണിക്ക് ആശ്വാസകരമായി. കഴിഞ്ഞ ദിവസം അവസാനിച്ച 75.94 ൽ വ്യാപാരം ആരംഭിച്ച ശേഷം, നാല് മണിക്കൂർ സെഷനിൽ രൂപയുടെ മൂല്യം 75.59 ആയി ഉയർന്നു.

തുടർന്ന് യുഎസ് കറൻസിക്കെതിരെ ഇത് 75.67 ൽ എത്തി വ്യാപാരം അവസാനിച്ചു. ഇന്ത്യൻ ആഭ്യന്തര വിപണിയിലെ ഇക്വിറ്റി മാർക്കറ്റുകളിലെ കുത്തനെ ഉയർന്ന നേട്ട സൂചികയും ഡോളറിന്റെ ബലഹീനതയും രൂപയെ പിന്തുണച്ചതായി സാമ്പത്തിക വിദഗ്ധർ പറയുന്നു. ഇന്ന് ബി‌എസ്‌ഇ സെൻ‌സെക്സും എൻ‌എസ്‌ഇ നിഫ്റ്റി 50 ഉം രണ്ട് ശതമാനത്തിലധികം ഉയർന്ന് കഴിഞ്ഞ ആറ് ആഴ്ചയിലെ ഉയർന്ന നിലയിലെത്തിയിരുന്നു.

അമേരിക്കൻ സ്റ്റോക്ക്പൈലുകൾ പ്രതീക്ഷിച്ചതിലും കുറവായതിനാൽ വിപണിയിൽ പ്രതീക്ഷകൾക്കനുസരിച്ച് ഡിമാൻഡ് മെച്ചപ്പെടുമെന്നതിനാൽ ക്രൂഡ് ഓയിൽ വില കുതിച്ചുയരും. നിലവിൽ അസംസ്കൃത എണ്ണ നിരക്കിന്റെ ആഗോള മാനദണ്ഡമായ ബ്രെൻറ് ക്രൂഡ് ഫ്യൂച്ചേഴ്സ് ബാരലിന് 3.1 ശതമാനം ഉയർന്ന് 21.10 ഡോളറിലെത്തി. ഇതുമൂലം കഴിഞ്ഞ ദിവസം ഇത് 2.3 ശതമാനം നേട്ടമുണ്ടാക്കിയിരുന്നു.