പൗരത്വ ഭേദഗതി നിയമം: പ്രതിപക്ഷത്തിന്റെ മഹാറാലിയില് നിന്ന് കമല്ഹാസന് പിന്മാറി
ചെന്നൈ: പൗരത്വ ഭേദഗതി നിയമത്തിനെതിരായി തമിഴ് നാട്ടില് പ്രതിപക്ഷ പാര്ട്ടികള് നടത്തുന്ന മഹാറാലിയില് പങ്കെടുക്കാനാ കില്ലെന്ന് മക്കള് നീതി മയ്യം നേതാവ് കമല് ഹാസന്. ഇക്കാര്യം വ്യക്തമാക്കിഡിഎംകെയ്ക്ക് കമല്ഹാസന് കത്തു നല്കി. ആരോഗ്യപ്രശ്നങ്ങള് ഉണ്ടെന്നും, ഈ സമയം വിദഗ്ധ ചികിത്സ യ്ക്കായി വിദേശത്താണെന്നുമാണ് വിശദീകരണം.
ഡിഎംകെയുടെ നേതൃത്വത്തിലാണ് പ്രതിപക്ഷ പാര്ട്ടികള് റാലി നടത്തുന്നത്. പ്രതിഷേധ റാലിക്കെതിരെ ഇന്ത്യന് മക്കള് കക്ഷി നല്കിയ ഹര്ജി മദ്രാസ് ഹൈക്കോടതി തള്ളിയിരുന്നു. പൊതുമുതല് നശിപ്പിക്കരുത്, പൊതുജനത്തിനു ബുദ്ധിമുട്ട് ഉണ്ടാക്കരുത്, പ്രതിഷേധം മുഴുവന് വീഡിയോയില് പകര്ത്തണം തുടങ്ങിയ ഉപാധികളോടെ കോടതി റാലിക്ക് അനുമതി നല്കുകയായിരുന്നു.