മരടിലെ ഫ്ലാറ്റുകൾ പൊളിക്കാൻ തയ്യാര്; സുപ്രീംകോടതിയിൽ ഹര്ജിയുമായി സ്വകാര്യ കമ്പനി
18 September 2019
സുപ്രീം കോടതി വിധിപ്രകാരം എറണാകുളം ജില്ലയിലെ മരടിലെ ഫ്ലാറ്റുകൾ പൊളിക്കാൻ തയ്യാറെന്ന് കാണിച്ച് സുപ്രീംകോടതിയിൽ സ്വകാര്യ കമ്പനി ഹർജി നല്കി. ബംഗളൂരു കേന്ദ്രമായി പ്രവര്ത്തിക്കുന്ന അക്വറേറ്റ് ഡിമോളിഷൻ കമ്പനിയാണ് ഹർജി നൽകിയത്.
അടുത്ത രണ്ട് മാസത്തിനുള്ളിൽ പരിസ്ഥിതിക പ്രശ്നങ്ങൾ ഇല്ലാതെ ഫ്ലാറ്റുകൾ പൊളിച്ചു നീക്കാന് തയ്യാറാണെന്ന് കമ്പനി കോടതിയെ അറിയിച്ചു. തങ്ങളുടെ പദ്ധതിക്കായി 30 കോടി രൂപ ചിലവ് വരുമെന്നും മലിനീകരണം ഉണ്ടാവില്ലെന്നും കമ്പനി ഹർജിയില് പറയുന്നു.
സുപ്രീം കോടതി കോടതി അനുവദിച്ചാൽ ഒരാഴ്ചയ്ക്കുള്ളിൽ നടപടികൾ തുടങ്ങാമെന്നും ടെണ്ടർ വിളിച്ചെങ്കിലും സർക്കാർ നടപടികളിൽ പുരോഗതിയില്ലെന്നും കമ്പനി സുപ്രീംകോടതിയെ അറിയിച്ചു.