“പരനാറി’ പ്രയോഗത്തിനു മറുപടി; താൻ ആരോടും നെറികേട് കാട്ടിയിട്ടില്ലെന്നു പ്രേമചന്ദ്രൻ
മുഖ്യമന്ത്രി പിണറായി വിജയന്റെ “പരനാറി’ പ്രയോഗത്തിൽ ഉറച്ച് നിൽക്കുന്നുവെന്ന പ്രസ്താവനയ്ക്ക് മറുപടിയുമായി കൊല്ലത്തെ യുഡിഎഫ് സ്ഥാനാർഥി എന്.കെ.പ്രേമചന്ദ്രന് എം.പി. ആരോടും താൻ നെറികേട് കാട്ടിയിട്ടില്ലെന്നും മുഖ്യമന്ത്രിയുടെ പ്രസ്താവന ജനങ്ങള് വിലയിരുത്തുമെന്നും അദ്ദേഹം പറഞ്ഞു.
മുന്നണി മാറിയത് ആർഎസ്പി സംസ്ഥാന നേതൃത്വത്തിന്റെ തീരുമാനപ്രകാരമാണെന്ന് പ്രേമചന്ദ്രൻ പറഞ്ഞു.കഴിഞ്ഞ ദിവസം കൊല്ലത്ത് മാധ്യമങ്ങളോട് സംസാരിക്കവേയാണ് താൻ പ്രമേചന്ദ്രനെതിരായ മുൻപത്തെ പ്രയോഗത്തിൽ ഉറച്ച് നിൽക്കുന്നുവെന്ന് മുഖ്യമന്ത്രി പറഞ്ഞത്.
രാഷ്ട്രീയത്തില് നെറിവേണമെന്നു പറഞ്ഞ പിണറായി എല്ഡിഎഫിനോട് ചെയ്തതുപോലെ പ്രമേചന്ദ്രൻ യുഡിഎഫിനോട് ചെയ്യില്ലെന്ന് എന്താണ് ഉറപ്പെന്നും ചോദിച്ചിരുന്നു.