സ്വപ്നയ്ക്ക് സുരക്ഷ നല്കാനാവില്ല: ഇഡി
സ്വർണക്കടത്ത് കേസ് പ്രതി സ്വപ്ന സുരേഷിന് സുരക്ഷ നൽകാനാവില്ലെന്ന് ഇൻഫോഴ്സ്മെന്റ് ഡയറക്ടറേറ്റ്. എറണാകുളം ജില്ലാ കോടതിയിൽ സമർപ്പിച്ച സത്യവാങ്മൂലത്തിലാണ് ഇഡി നിലപാട് വ്യക്തമാക്കിയത്. സാമ്പത്തിക കുറ്റകൃത്യങ്ങള് അന്വേഷിക്കുന്നതിനുള്ള ഏജന്സി മാത്രമാണ് ഇഡി. സുരക്ഷ ആവശ്യമുള്ളവര് സംസ്ഥാന പൊലീസിനെ ആശ്രയിക്കണമെന്നും ഇഡി സത്യവാങ്മൂലത്തിൽ പറയുന്നു. കൂടാതെ കേന്ദ്ര സർക്കാർ കേസിൽ കക്ഷിയല്ലാത്തതിനാൽ കേന്ദ്ര സുരക്ഷ നൽകാനാകില്ലെന്നും ഇഡി കോടതിയെ അറിയിച്ചു
അതെ സമയം ക്രൈംബ്രാഞ്ച് രജിസ്റ്റർ ചെയ്ത ഗൂഢാലോചന കേസിൽ സ്വപ്നയുടെ മുന്കൂര് ജാമ്യാപേക്ഷ പരിഗണിക്കുന്നത് മറ്റന്നാളത്തേക്ക് മാറ്റിയിട്ടുണ്ട്. വെള്ളിയാഴ്ച വരെ അറസ്റ്റ് തടയണമെന്ന സ്വപ്നയുടെ ആവശ്യവും കോടതി അ൦ഗീകരിച്ചിരുന്നില്ല. നേരത്തെ സ്വപ്നയുടെ മുന്കൂര് ജാമ്യാപേക്ഷ കോടതി തള്ളിയിരുന്നു. എന്നാൽ പിന്നീട് വ്യാജ രേഖ ഉണ്ടാക്കി എന്നതടക്ക൦ മൂന്ന് ജാമ്യമില്ലാ വകുപ്പുകൾ കൂടി തനിക്കെതിരെ ചുമത്തിയെന്നും അന്വേഷണ സംഘം അറസ്റ്റ് ചെയ്യാന് സാധ്യതയുണ്ടെന്നും ആരോപിച്ചാണ് പുതിയതായി സ്വപ്ന മുന്കൂര് ജാമ്യാപേക്ഷ നല്കിയത്.