മൂന്ന് ദിവസത്തെ സന്ദർശനത്തിനായി രാഹുല് ഗാന്ധി വയനാട്ടിലേക്ക്, വന് സ്വീകരണം ഒരുക്കാൻ ഡിസിസി
25 June 2022
മൂന്ന് ദിവസം നീളുന്ന സന്ദര്ശനത്തിനായി രാഹുല് ഗാന്ധി എംപി ഈ മാസം 30, 1, 2 തിയതികളിലാഐ വയനാട്ടിൽ എത്തും. ഇതിന്റെ ഭാഗമായി രാഹുല് ഗാന്ധിക്ക് വന് സ്വീകരണം ഒരുക്കുമെന്ന് ഡിസിസി അറിയിച്ചു. അതേസമയം, രാഹുല് ഗാന്ധിയുടെ വയനാട്ടിലെ ഓഫീസ് എസ്എഫ്ഐ പ്രവര്ത്തകര് ഇന്നലെ ആക്രമിച്ചിരുന്നു.
ബഫർ സോൺ പ്രശ്നത്തിൽ രാഹുൽ ഇടപെടുന്നില്ലെന്ന് ആരോപിച്ചായിരുന്നു ആക്രമണം. കേസില് 19 എസ്എഫ്ഐ പ്രവർത്തകരെയാണ് പൊലീസ് ഇന്നലെ അറസ്റ്റ് ചെയ്തത്. എസ്എഫ്ഐ ജില്ലാ പ്രസിഡന്റ് ജോയൽ ജോസഫ്, സെക്രട്ടറി ജിഷ്ണു ഷാജി എന്നിവരടക്കമാണ് അറസ്റ്റിലായത്. ആക്രമണത്തെ തള്ളിപ്പറഞ്ഞ സിപിഎം, സംസ്ഥാന സെക്രട്ടറിയേറ്റ് നടപടിക്ക് എസ്എഫ്ഐയോട് നിർദ്ദേശിച്ചിട്ടുണ്ട്. സമരം പാർട്ടി അറിയാതെയാണെന്നാണ് സിപിഎം വിശദീകരണം.