വാഹനാപകടം; റോഡ് മുറിച്ച് കടക്കുന്നതിനിടെ യുഎഇയിൽ മലയാളി യുവതി മരിച്ചു
25 June 2022
റോഡ് മുറിച്ച് കടക്കുന്നതിനിടെ ഉണ്ടായ വാഹനാപകടത്തിൽ മലയാളി യുവതി യുഎഇയിൽ മരിച്ചു. വയനാട് ജില്ലയിലെ മാനന്തവാടി ചെറ്റപ്പാലം അരങ്ങിൽ താഴെ ഹഫ്സലിൻറെ ഭാര്യ റംഷീനയാണ് (32) മരിച്ചത്
ഇവർ ദുബായ് സത്വ അൽ ബിലയിൽ റോഡ് മുറിച്ചുകടക്കുന്നതിനിടെയാണ് അപകടം സംഭവിച്ചത് . ലാന്റ് ക്രൂയിസർ വാഹനം റംഷീനയെ ഇടിക്കുകയായിരുന്നു. സിഗ്നൽ മറികടന്നുവന്ന വാഹനമാണ് അപകടമുണ്ടാക്കിയതെന്ന് ബന്ധുക്കൾ പറയുന്നു. മകൻ മുഹമ്മദ് യിസാൻ. പിതാവ്: അബൂബക്കർ. മാതാവ്: റംല. മൃതദേഹം നാട്ടിലെത്തിച്ച് ഖബറടക്കുമെന്ന് ബന്ധുക്കൾ അറിയിച്ചു.