ഫിലിപ്പീന്സില് യാത്രാക്കപ്പലിന് തീപിടിച്ചു; 7 മരണം; ചാടിയ 120 ലേറെ പേരെ രക്ഷപ്പെടുത്തി
ഫിലിപ്പീന്സില് 150ലധികം യാത്രക്കാരുമായി സഞ്ചരിച്ചിരുന്ന കപ്പലിന് തീപിടിച്ചണ്ടായ അപകടത്തിൽ ഏഴ് പേർ തീപിടുത്തത്തിൽ മരിച്ചു. അപകടത്തെ തുടർന്ന് യാത്രാകപ്പലില് നിന്ന് കടലിലേക്ക് ചാടിയ 120 ലേറെ പേരെ രക്ഷപ്പെടുത്തി. മരിച്ചവരില് അഞ്ച് സ്ത്രീകളും രണ്ട് പുരുഷന്മാരും ഉള്പ്പെടുന്നു
എംവി മെര്ക്രാഫ്റ്റ് 2 എന്ന കപ്പലിനാണ് തീപിടിച്ചത്. തലസ്ഥാനമായ മനിലയില് നിന്ന് 60 കിലോമീറ്റര് അകലെയുള്ള തുറമുഖത്ത് എത്തുന്നതിന് മുമ്പായിരുന്നു അപകടം. രക്ഷപ്പെടുത്തിയവരില് 23 പേര് ചികിത്സയില് കഴിയുകയാണെന്നും ഫിലിപ്പീന്സ് കോസ്റ്റ്ഗാര്ഡ് വ്യക്തമാക്കി.
ഫിലിപ്പീനിലെ പോളില്ലോ ദ്വീപില് നിന്നാണ് യാത്രാക്കപ്പല് യാത്ര തിരിച്ചത്. പ്രാദേശികസമയം പുലര്ച്ചെ അഞ്ച് മണിയോടെയാണ് തീപിടുത്തമുണ്ടായത്. ഇതിനെപ്പറ്റി ആറരയോടെയാണ് അധികൃതര്ക്ക് വിവരം ലഭിച്ചത്. രക്ഷാ പ്രവർത്തനത്തിൽതീ കെടുത്താന് ഏകദേശം അഞ്ച് മണിക്കൂര് നേരമെടുത്തു.