ആലപ്പുഴയിൽ മാരകായുധങ്ങളുമായി ആർഎസ്എസ് പ്രവർത്തകർ പിടിയിൽ; എസ്ഡിപിഐ നേതാവിനെ വധിക്കാനെത്തിയവരെന്ന് പരാതി; വധശ്രമത്തിന് കേസെടുത്തു
25 April 2022
ആലപ്പുഴയിൽ മാരകായുധങ്ങളുമായി പോലീസ് പിടിയിലായ ആര്എസ്എസ് പ്രവർത്തകർക്കെതിരെ വധ ശ്രമത്തിന് കേസെടുത്തു. എസ്ഡിപിഐയുടെ മണ്ണഞ്ചേരി പഞ്ചായത്ത് അഞ്ചാം വാർഡ് മെമ്പർ നവാസ് നൈനയെ കൊലപെടുത്താൻ ശ്രമിച്ചതിനാണ് രണ്ട് ആര്എസ്എസ് പ്രവർത്തകർക്കെതിരെ പൊലീസ് കേസെടുത്തത്.
ഇവരിൽ നിന്നും വടിവാളുകൾ പിടിച്ചെടുക്കുകയും ചെയ്തു. പ്രദേശത്തേക്ക് ആയുധങ്ങളുമായി എത്തിയ രണ്ട് ആര്എസ്എസ് പ്രവർത്തകരെയാണ് ഇന്നലെ രാത്രി പൊലീസ് പിടികൂടിയത്. ബിറ്റു എന്ന് വിളിക്കുന്ന സുമേഷ്, ശ്രീനാഥ് എന്നിവരെയാണ് അറസ്റ്റ് ചെയ്തത്. എസ്ഡിപിഐ നേതാവ് ഷാനെ കൊലപ്പെടുത്തിയ സ്ഥലത്തിന് സമീപത്ത് നിന്നാണ് ഇവരെ പിടികൂടിയത്. മണ്ണഞ്ചേരി പഞ്ചായത്തിലെ എസ്ഡിപിഐ അംഗമായ നവാസ് നൈനയെ വധിക്കാന് എത്തിയവരാണെന്ന പരാതിയിലാണ് ഇവര്ക്കെതിരെ പൊലീസ് വധ ശ്രമത്തിന് കേസെടുത്തത്.