ഖാര്‍ഖീവിലെ ഇന്ത്യക്കാര്‍ അടിയന്തരമായി നഗരം വിടുക; മുന്നറിയിപ്പുമായി ഇന്ത്യന്‍ എംബസി
ഉക്രൈൻ നഗരമായ ഖാര്‍ഖീവിലെ ഇന്ത്യക്കാര്‍ അടിയന്തരമായി നഗരം വിടണമെന്ന മുന്നറിയിപ്പുമായി ഉക്രൈനിലെ ഇന്ത്യന്‍ എംബസി. ഉക്രൈന്‍ സമയം വൈകിട്ട് ആറ് മണിക്കു മുന്‍പ് സുരക്ഷാ കേന്ദ്രങ്ങളിലേക്ക് മാറാനാണ് എംബസി നിര്‍ദേശിച്ചിട്ടുള്ളത്.
അവിടെനിന്നും പെസോചിന്‍, ബബായെ, ബെസ്ലിയുഡോവ്ക എന്നീ സ്ഥലങ്ങളില്‍ എത്രയും വേഗം എത്തണമെന്നും ഇന്ത്യന്‍ എംബസി ട്വീറ്റിലുടെ അറിയിച്ചു. തിരിച്ചറിയല്‍ രേഖകള്‍ കൈവശം കരുതി നഗരം വിടണമെന്നാണ് ലഭിച്ചിരിക്കുന്ന നിര്‍ദേശമെന്ന് ഖാര്‍ഖീവിലെ മലയാളി വിദ്യാര്‍ഥി ഒരു മലയാളം ചാനലിനോട് സംസാരിക്കവെ വ്യക്തമാക്കി.
‘ റഷ്യയിൽ നിന്ന് ലഭിച്ച വിവരങ്ങളുടെ അടിസ്ഥാനത്തിലാണ് ഞങ്ങളുടെ എംബസി ഇപ്പോൾ നൽകിയ ഉപദേശം. ഞങ്ങളുടെ എല്ലാ പൗരന്മാരോടും ഉടൻ തന്നെ സുരക്ഷിത മേഖലകളിലേക്കോ അല്ലെങ്കിൽ കൂടുതൽ പടിഞ്ഞാറോട്ട് പോകാൻ, കാൽനടയാത്ര ഉൾപ്പെടെ, സുരക്ഷിതത്വം മനസ്സിൽ വച്ചുകൊണ്ട് ലഭ്യമായ ഏതെങ്കിലും മാർഗ്ഗങ്ങൾ ഉപയോഗിച്ച് ഖാർകിവ് വിടാൻ ഞങ്ങൾ അഭ്യർത്ഥിക്കുന്നു.”- എംബസി അറിയിച്ചു.
പ്രധാനമന്ത്രി മോദി ഇന്ന് രാത്രി റഷ്യൻ പ്രസിഡന്റ് വ്‌ളാഡിമിർ പുടിനുമായി വീണ്ടും സംസാരിക്കുമോ എന്നതിനെക്കുറിച്ച്: “പ്രധാനമന്ത്രി നിരവധി രാജ്യങ്ങളിലെ നേതാക്കളുമായി സംസാരിക്കുന്നുണ്ട്. അത്തരം ചർച്ചകൾ നടക്കുമ്പോഴെല്ലാം ഞങ്ങൾ നിങ്ങളുമായി പങ്കിടും. മുൻകൂട്ടി ഒന്നും പറയാൻ ഞാൻ ആഗ്രഹിക്കുന്നില്ല,” – എന്ന് വിദേശകാര്യ മന്ത്രാലയ വക്താവ് ബാഗ്ചി പറഞ്ഞു.
